ЛУДА ЗАБАВА.....

Живееме со секој твој рефрен

2008-10-16T01:54:00.001-07:00

Денеска се навршува една година од трагичната смрт на нашата легенда Тоше Проески, кој го загуби животот во автомобилска несреќа во Нова Градишка, Хрватска. Во црквата Св. „Никола“ во Крушево во 8 часот ќе се одржи парастос, а во 10 часот роднините, пријателите и неговите обожаватели ќе го посетат неговиот вечен дом на Гумење.

Проклет да биде 16 ти октомври 2007....една година после трагичната смрт на нашииот единствен -ТОШЕ-

2008-10-16T01:46:00.000-07:00

СИМОНА НЕГРИЕВСКА, БЛИСКА СОРАБОТНИЧКА НА ТОШЕ

За него пеењето беше како детска игра

Не познавам човек што толку уживаше и ја сакаше својата професија. Ги љубеше секој отпеан тон и напишан збор, вели Симона

Иако Симона не се експонираше во јавноста, таа последните пет години беше вклучена во сите аспекти на кариерата на Тоше

Симона Негриевска имаше значајна улога во кариерата на Тоше Проески изминативе четири години, но никогаш не се експонираше во јавноста. Го следеше на неговите настапи, присуствуваше во студијата додека ги снимаше песните, беше вклучена во организацијата на концертите. Симона, по долго размислување реши првпат да проговори за својот соработник и добар пријател и откри само мал дел од спомените за него.

- Почетокот на мојата соработка со Тоше и со Лилјана беа крајно неочекуван. Беше Божик кога ми се јави мојот прв братучед Огнен Неделковски. Ми рече дека има гости и не може многу да зборува, но го интересираше дали сум заинтересирана да почнам да работам. Ми откри само дека Лилјана и Тоше се кај него дома и дека работата ќе биде поврзана со нив. Без да се распрашам за што се работи, инстинктивно го прифатив предлогот за разговор. По само пет дена влегов во една машина и ја имав најубавата работа на светот. Со оглед на претходните работни искуства, бев шокирана од идиличната атмосфера на која наидов. Таа беше преполна со љубов, доверба, почитување, безрезервна поддршка - се сеќава Негриевска.

ПРЕМНОГУ ЈА САКАШЕ МУЗИКАТА

Симона истакнува дека изминативе години, без разлика дали е во Македонија или во странство, луѓето секогаш и' го поставувале истото прашање - што го прави Тоше толку посебен?

- Секогаш мојот одговор беше ист. Не познавам некој што повеќе ја сака и ужива во својата професија од Тоше. Некој што ги љуби секој тон и збор и кој е најсреќен кога е на сцена. Човек што пее со секој дел од својата душа, а енергијата ја полни кога најмногу им ја дава на своите фанови.

Негриевска никогаш нема да ги заборави моментите кога по првиот концерт на Тоше на Градскиот стадион во 2004 година, заминале во ресторан „со последните атоми сила“, да ги средуваат впечатоците.

- Тоше одеднаш стана од столот и реши да ни испее уште некоја песна. Бевме шокирани од неговата енергија. Како да му беше малку што повеќе од три часа пееше на стадион. Тоа го можеше само некој што премногу ја сака музиката.

ДА ДАВАШ Е МНОГУ ПОВОЗВИШЕНО

Кога менаџерката Лилјана Петровиќ поради обврските не била во можност да го следи на неговите настапи во странство, таа обврска ја преземала Симона.

- Еднаш се случи Тоше да пее повеќе од планираниот термин. Лилја постојано ми се јавуваше да ми каже дека е време да заврши концертот и дека морам да внимавам да не се премори и да не претера со пеење. Кога му дадов знак дека го пречекорил времето, ме погледна со искрен детски поглед, потоа ги склопи рацете и ми рече: „Само уште две песни!“. Беше невозможно да се прекине уживањето, рамно на детска игра. Токму во тие мигови Тоше и неговиот бенд решија да отсвират и отпеат уште некоја песна. Лилјана едноставно замижа на нашите ситни лаги дека концертот почнал подоцна и затоа траел повеќе од предвиденото време.

Симона открива дека при прославата на неговиот роденден, многу повеќе се радувал и уживал кога ги пеел омилените песни на гостите, отколку кога ги отворал подароците.

- Тој секогаш велеше: „Да даваш е многу повозвишеноотколку да примаш“.Симона го опишува Тоше како голем професионалец и перфекционист, кој во студиото, додека ги снимал песните, го давал својот максимум во секоја отпеана нота.

- Кога композиторите и продуцентите беа сигурни дека ја отпеал совршената линија, тој сметаше оти може да го направи тоа уште подобро. Веруваше дека следниот пат ќе испее посовршено отколку претходниот. Уморот кај сите нас го разбиваше кажувајќи ни виц или шега. А потоа пак сите ги ставаше на маки да го одбираат најсовршеното меѓу совршеното. И уживаше во тоа. Каде и да бил присутен, секој миг го користел да запее. Често се случувало при патувањата да застанат на првиот паркинг за да им ја пушти и да им ја отпее новата песна на другите од бендот.

- Неговиот глас одѕвонуваше секогаш и секаде, во телевизиските студија пред да почне снимањето на емисијата, на аеродромите, во хотелските соби - завршува Негриевска.

*****

ЕНДИ РАЈТ, продуцент од лондон

Песните од англискиот албум и на филм

Бараме начин неговата музика да освои нови територии. Тоа што тој го создаде одговара да се слушне и во филмски проекти кои, пред се', ќе бидат полни со емоции, вели англискиот продуцент Енди Рајт

Рајт го споредува Тоше со познатите пејачи Андреа Бочели и Џон Бон Џови

Светски познатиот композитор и продуцент од Англија, Енди Рајт, кој соработуваше со Тоше Проески на англискиот албум, специјално допатува од Лондон за да присуствува на концертот одржан во спомен на починатата ѕвезда. Рајт беше присутен и на концертот на Проески што на Градскиот стадион во Скопје се одржа пред две години. Тогаш тој сфатил колку Тоше е голем уметник, а особено го импресионирал начинот на кој и' ги доближувал песните на публиката. Тоа било пресудно да почне нивната сериозна соработка. Бил убеден дека Тоше ќе стане светска ѕвезда.

* Кои беа Вашите впечатоци од првата средба со Тоше? Што прво забележавте кај него?

- Пред да дојде во Лондон за да се запознаеме, немав поим каква личност е. Кога првпат се сретнавме, на некој начин почна да се чувствува потребата од аудиција и таа се случи. Седна на пијано да свири, а потоа почна да пее. Бев импресиониран од начинот како се претстави себеси и својот глас. Но, тоа што веднаш го забележав кај него беше харизмата. Повеќе размислував за неговото присуство како личност која, едноставно, седеше покрај пијаното и зрачеше со неверојатна харизма. Сето тоа ме предизвика да се заинтересирам и да преземам чекори на некој начин да бидам вклучен во снимањето на неговиот албум на англиски јазик. Првиот чекор што се наметна како потреба беше да дојдам во Скопје и да го проследам неговиот концерт на Градскиот стадион во 2006 година. Тогаш сфатив дека Тоше е голем уметник, по начинот на кој и' ги доближуваше песните на публиката и како тие влијаеја врз неа. Многу добро ја паметам нашата прва средба. Бидејќи никогаш не почнувам проект на долгорочна основа со некој што не го чувствувам на посебен начин како пејач и човек.

* Ја забележавте ли и неговата искрена душа полна со емоции што беше препознатлива во изведбата на песните и во комуникацијата со луѓето. Доблест што можеби не е предност во светската музичка машинерија.

- Да, секако. Тоа е начинот на кој ја искажувате музиката во овие области. Сум работел многу години со Џана Нанини во Италија и имам разбирање за нејзината изведба на музика. Таа не е многу поинаква од изведбата на Тоше, која изобилуваше со силни емоции. Познавајќи го овој стил музика, заклучив дека, секако, преку напорна работа, ќе добиеме интернационална публика. Мелодијата во неговите песни е многу силна.

* Верувавте ли дека ќе стане светска ѕвезда? Со кого го споредувавте?

- Апсолутно, навистина верувам дека Тоше имаше голема можност да ја освои публиката во целиот свет. Мислам дека неговиот глас беше потопол отколку тој на Андреа Бочели, а имаше и рок-духовност во стил на Џон Бон Џови. На некој начин тој беше некаде помеѓу овие два стила. Сепак, беше единствен и свој на посебен начин.

* Постои ли начин, со промоцијата на англискиот албум, европската или светската публика да слушне за него и за неговото творештво?

- Мислам дека сега е многу тешко тоа да се направи, но ќе се обидеме. Тоше беше комплетен уметник. Со своето тело и душа, истовремено беше најголема промоција за себе. Многу е тешко тоа да се случи поради фактот што не е меѓу нас. Но, во себе чувствувам нешто многу силно. Чувствувам дека постојат можности за Тоше. Не ме напушта надежта дека луѓето ќе имаат позитивен став кон тоа што го направивме и со тоа ќе се создаде можност со материјалот да се запознаат и на други територии. Сигурно е дека една или две песни ќе се најдат во некои посериозни филмови. Неговите нумери од англискиот албум најмногу одговараат за филмовите, на пример, на „Дизни“, но најмногу на тие што ќе бидат полни со емоции. Во секој случај, имаме песни што би напредувале во тој правец и засега треба само да гледаме напред и да видиме што ќе се случи. Можеби овој ќе биде правецот по кој ќе се движиме и ќе напредуваме понатаму .

* Има информации дека во Англија се планира снимање филм за Тоше. Имате ли некои сознанија за тоа?

- И јас го слушнав истото, но тоа нема врска со мене и не знам ништо повеќе за тоа. Ние имаме снимено многу материјали од нашата соработка и од тоа што заедно го создадовме. Но, тоа нема врска со информациите дека ќе се прави филм од тој материјал.

* Пред концертот бевте на гробот на Тоше, а се сретнавте и со неговите родители. Кое беше чувството што ве обзеде кога го посетивте неговиот гроб?

- Бев импресиониран од сцената што ја видов. Многу луѓе беа таму, палеа свеќи и оставаа многу негови фотографии на гробот. И јас го сторив истото. Запалив свеќа и оставив фотографија. И покрај тагата, во еден момент почувствував среќа што сум тука и што го посетив неговиот гроб. Родителите на Тоше ги запознав пред една година токму во Македонија. Жал ми е што сега со нив се видов во сосема нови околности.

ИНФО-Англиската врска

Енди Рајт е „англиската врска“ на Тоше, односно продуцентот со кој Проески почна да гради меѓународна кариера. Продуцентот, потпишан на албуми на „Симпли ред“ и „Јуритмикс“, бил импресиониран најмногу од харизмата на Тоше. Иако е тешко, вели дека постојат можности за светот да се запознае со делото на Проески и најавува дека дел од неговите англиски песни ќе се најдат во посериозни филмови. Рајт истакнува оти има многу снимени материјали со Тоше.
********

САШО МИТКОВ, „АВОРД“

Комплетен човек и на сцена и приватно

Сашо Митков, блискиот соработник на Тоше од „Аворд-продукција“, која со Проески работеше се' до неговата трагична смрт, на нашиот славен пејач се сеќава уште од времето кога песната „Твоите бакнежи на моите бели кошули“ беше голем хит.

- Постојано си велев дека момчето има прекрасен глас иако не знаев ни колку години има и како изгледа. Но, од судбината не се бега - укажува Митков. Нивното пријателство и професионалната соработка се продлабочиле откако Тоше стана ексклузивец на „Аворд-продукција“.

- Постојано бевме во негова близина, бевме поврзани со посебна енергија и задоволство. Кај Тоше беше карактеристично што каде и да настапуваше беше смирен, насмеан и секогаш комуникативен. Самиот ни се обраќаше со зборовите: „Се' ќе се среди, само полека, без нервоза“. Митков со особено задоволство ги истакнува спомените од дружбата во Охрид, на плажата на хотелот „Десарет“, кога пред две години „Аворд“ и Лилја организирале тридневни одбојкарски натпревари.

- Тоше со фановите и со голема екипа пејачи, негови гости и новинари учествуваа на спортските игри. Сите што беа присутни во хотелот имаа можност да се дружат со Тоше, да се напијат кафе и секако, да уживаат во концертот на кој пееја сите негови пријатели. Иако беше голема естрадна ѕвезда, кај Тоше тоа не можеше да се почувствува во ниту еден момент. Беше голем хуманист, а тоа го потврди со своите дела, активности, концерти. Поседуваше комплетен пакет и за на сцена и во приватниот живот, што ретко кој го има - завршува Митков.

************************

ЛИЛЈАНА ПЕТРОВИЌ, менаЏерката на проески

Не размислувам за иднината

Ми велеше дека кога е на сцена, му доаѓа преголема желба да ги прегрне сите што се на концертот и затоа постојано ги шири рацете. На таков начин ја примаше енергијата од публиката, а потоа несебично им ја подаруваше својата, вели Петровиќ

Лилјана Петровиќ, една година по смртта на Тоше, живее во минатото и со спомените врзани за соработката со својот ексклузивец. Вели дека сегашноста и' е многу болна, а за иднината воопшто не размислува.

- Нема зборови со кои можам да ви го опишам тоа што го доживеав со неговата загуба. Тагата е голема исто како првиот ден кога засекогаш си замина - вели таа.Иако не е член на меѓународната фондација „Тоше Проески“, таа беше вклучена во сите проекти. Вели дека да се работи за доброто на Тоше и по неговата смрт и' бил мотив да издржи во најтешките мигови.

- Во секој миг подготвена сум да бидам во служба на фондацијата. Помагам кога тоа од мене ќе биде побарано. Други планови немам. Не сум способна да размислувам за мојата иднина.

Во однос на очекувањата или претпоставките каде ќе беа сега доколку Тоше прерано не загинеше, Лилјана е стопроцентно сигурна дека ќе ја оствареа заедничката желба за освојување на светската сцена.

- Требаше да летаме за Англија на 23 октомври 2007 година, за да ги направиме финалните подготовки. Требаше да учествуваме во конечната реализација на две песни. Исто така, планиравме да снимиме спот за една од нив и да се договараме со нашите продуценти околу неговата замисла, па со нашите продуценти да решиме за која од темите да снимиме спот - вели менаџерката.

Проески и Петровиќ беа на чекор до остварување на главната цел, се' до кобното утро на 16 октомври. Сигурна сум дека сега ќе бевме во Лондон. Неговите песни ќе се пуштаа во медиумите, а неговата ѕвезда и харизма ќе блеснеше и на светската сцена - завршува Петровиќ.

***************************

СЕЌАВАЊА НА СОРАБОТНИЦИТЕ ЗАД СЦЕНАТА

Инспирација за сите

Фотографот и шминкер Владо Георгиев, режисерот Бане Поповиќ и режисерот и фотограф Дејан Миличевиќ зборуваат за искуствата со мегаѕвездата далеку од очите на јавноста

За човечноста, трудољубивоста, посветеноста кон музиката, хуманоста, харизмата и трпеливоста на Тоше Проески кон обожавателите сведочат неколкуте блиски соработници, кои имаа можност да го запознаат Тоше зад сцената, далеку од камерите и фотоапаратите. Фотографот и шминкер Владо Георгиев, режисерот Бане Поповиќ и режисерот и фотограф Дејан Миличевиќ велат дека Тоше беше голема ѕвезда, но никогаш не се однесувал така. Неговата скромност, која ги плени срцата на обожавателите од целиот Балкан, е потврда дека остана истото момче од Крушево, кое со годините само стана позрел и поискусен. Празнината што соработниците ја чувствуваат една година по неговата смрт никогаш нема да исчезне.

ГИ САКАШЕ ВИЦОВИТЕ

Фотографот и шминкер Владо Георгиев го познава Тоше од самите почетоци. Владо му ја направил и првата професионална фотосесија. Се сеќава дека тогаш Тоше бил многу кратко потстрижен и бил речиси дете.

- Ми остави пријатен впечаток, беше скромен и присебен. Ме слушаше што му кажував. После се среќававме на настани. На едно издание на „Макфест“ ме викна да го нашминкам. Се сеќавам дека во тој период имаше многу проблеми со кожата на лицето и не сакаше да излезе од соба додека не го нашминкам. Истото беше и за осмомартовскиот концерт во Универзална сала, кога ми се јавија од „Авалон продукција“ и ми кажаа дека Тоше не сака да настапи ако не го нашминкам за настап. Имав многу работа, но не смеев да го одбијам.Кога кариерата на Тоше ја презеде Лилјана Петровиќ, по препорака на Тоше, Георгиев ја направил фотосесијата за албумот „Ако ме погледнеш во очи“.

- На оваа фотосесија беше истиот како пред неколку години, само малку повозрасен... Се сеќавам дека Тоше никогаш никому му немаше повишено тон. Имаше трпение за сите околу себе, а за обожавателите најмногу. На првата своја голема турнеја низ Македонија го шминкав и ги правев фотографиите. Делеше автограми, се сликаше со сите, без разлика дали беше пред или по концерт.

ЉУБЕЗЕН И ПОЛН СО РАЗБИРАЊЕ

Владо додава дека Тоше го сфаќал фотографирањето како голема обврска, но дека и тој се трудел на различни начини да му помогне да се опушти.

- Токму за оваа фотосесија ми текна интересен начин да го опуштам. Му го пуштив неговиот омилен бенд „Вајт снејк“ и сликањето одеше како подмачкано. Тогаш му се смени ликот, веднаш беше повесел и направивме супер фотки. Тоше имаше премногу обврски и се гледавме ретко, но секогаш останавме блиски. Последен пат го сликав со мобилен телефон во неговиот дом во Злокуќани. Му се јавував кога ќе слушнев добар виц бидејќи знаев колку ги сакаше. Ја помнам последната шега што ми ја кажа Тоше: „Оди русокоса кај професор Славе Ристески да закаже испит. Влегува внатре и вели: Добар ден, вие сте професор Славе Ристевски? Да, колешке, само без ‘в’ ќе ве молам. Добро професоре Слае?“

Српскиот режисер на спотови и фотограф Дејан Миличевиќ со Тоше исто така изработи неколку фотосесии. Тој режираше негови концерти, а се грижеше и за неговиот изглед. Дејан вели дека уште при првата средба во Белград „ја почувствувал божествената енергија со која Тоше пленеше и зрачеше“.

- Тоше може да се доживее само како ангел и тоа во вистинската смисла на зборот. Така јас го доживеав. Харизмата е негово презиме. Беше личност полна со живот и со многу разбирање за сите луѓе - вели Миличевиќ.Работата со Тоше за Дејан била хармонична и никогаш односот не се темелел на прифаќање или одбивање на сугестиите.

- Идеите секогаш ги добивавме заеднички и ги реализиравме. Тоше беше една од ретките личности со која имам ист вкус за многу работи. Секогаш беше љубезен со сите и се однесуваше многу културно со целата екипа. Една година по неговата смрт се чувствувам празно и не можам да си ја објаснам неправдата што не' снајде.

ПЕЕШЕ НОНСТОП

Бане Поповиќ од „Томато-продукција“ со Тоше ги работеше спотовите „Морска ѕвездо“, „Магија“, „Немаш ни благодарам“, „За овој свет“. „Томато“ работеше на звукот на повеќе концерти на Проески и на хуманитарни кампањи, како што беше „Од срце за децата“.

- Се сеќавам дека на подготовките пред еден фестивал дојде едно дете, скромно, повлечено, никој не го забележа. Кога се качи на бината да ја проба својата песна и кога почна да пее, сите застанавме и го слушавме со отворени усти. Тоше го запознав во почетокот на неговата кариера. Веднаш ми паднаа в очи неговата скромност и неговиот огромен талент и преубав глас. Тој имаше чиста душа, во неговото однесување никогаш немаше скриени намери, што е реткост кај луѓето од македонската естрада.

Поповиќ истакнува дека Тоше му бил голема инспирација. Да се работи со најголемата балканска ѕвезда било чест и привилегија.

- Знаев дека од него ќе добијам се' што ќе побарам, тој сите песни ги пееше со целата душа и срце. Нему не морав да му објаснувам каков израз на лицето треба да направи додека пее дадена строфа или рефрен. Тој секогаш пред камера ја изнесуваше песната со емоции и како што треба. Тоа беше мојата инспирација. Кога ги смислував спотовите за него, го имав неговиот лик во главата. Секогаш слушаше внимателно, прифаќаше се' што ќе му кажам и го исполнуваше тоа. Никогаш не сум го слушнал да се жали дека е уморен, дека не може веќе да снима. Беше голем професионалец - вели Поповиќ.На кое било снимање, на емисија или спот, често биле во ситуација да го молат да престане со пеење.

- Тоа дете пееше нонстоп, особено ако имаше клавир на сетот. Пееше додека се снима, додека менуваме сет, додека јадеше, додека се преслекуваше, постојано - вели Поповиќ.

Му се поклони и див јарец

Од многуте заеднички моменти Миличевиќ никогаш нема да ја заборави фотосесијата што ја имале на Матка.

- За албумот „Божилак“ правевме фотографии на Матка. Додека го сликав Тоше ненадејно од една грмушка излезе јарец и му се поклони на Тоше. Тој момент го „фатив“ случајно и тоа е најневеројатното нешто што ми се случило во кариерата.

Камион цвеќе за 8 Март

Владо Георгиев никогаш нема да ги заборави концерт на Тоше по повод Денот на жената, за кој го шминкал.

- Се сеќавам дека не сакав да им земам хонорар за шминкањето, но Тоше инсистираше да ми даде нешто за возврат. Бидејќи на тој концерт по повод 8 Март доби многу цвеќе, му побарав да направам фотографии со нив. Имаше можеби еден камион цвеќиња, едвај ги пренесов до студио. Се сеќавам дека фрлив неколку големи кеси за ѓубре полни со целофани и скршени цвеќиња. Цело мое студио беше како цвеќарница. Таа година низ градот кружеше една шега: „Кој доби најмногу цвеќе за 8 Март? Па, Тоше“.

Дадилка за време на снимањето

Поповиќ издвојува неколку интересни случки со Тоше за време на снимањето на спотовите. Кога го снимавме видеото за песната „За овој свет“, во кој имаше многу деца, Тоше цел ден беше со нив и ги забавуваше за да не им биде здодевно на снимањето. Дечињата се изморија бидејќи снимањето беше долго за нив, но Тоше цело време беше со нив, разговараа, ги забавуваше, само за да не мислат на умор. Кога го снимавме спотот за песната „Магија“, сцените во црвената соба каде што тој е покрај ѕид снимени се на бавна шпанска музика. Му пуштив на Тоше да слуша таква музика за да ја доживее. Знаев каков израз на лицето ќе направи слушајќи, односно преживувајќи таква музика. Изразот на лицето што го направи беше совршен за спотот. Кога снимале во рудникот Бањани, за потребите на истиот видеозапис, тој се спријатели со луѓето што вртеа факли, ги прашуваше како го прават тоа, сакаше да научи. По само 10-ина минути тој ги вртеше факлите подобро од нив.
***********************

СЛАВЕН РИСТЕСКИ, зетот на проески

Постојано се интересираше за нова музика

Го запознав кога почна нашата врска со сестра му Дори. Имаше осум години и беше многу мирно, тивко и срамежливо дете. Во мене гледаше постар брат,вели Ристески

Во својот зет гледал постар брат: Тоше (десно) на осумгодишна возраст со Славен и Дори (лево) и нивното друштво на излет

Растргнат помеѓу тагата и болката и многубројните семејни обврски, Славен Ристески по смртта на Тоше, достоинствено ги извршуваше сите проекти поврзани со продолжувањето на неговото дело. Зетот на починатата ѕвезда одбра да живее и да работи од сенка, без намера да се експонира иако беше единствената нитка што ја поврзува јавноста со семејството Проески. Првпат зборува за поинтимните спомени што го врзуваат за Тоше.

- Го запознав кога почна нашата врска со сестра му Дори. Имаше осум години и беше многу мирно, тивко и срамежливо дете. Во мене гледаше постар брат. Тогаш имав клуб за кикбокс во Крушево. Тоше и сестра му секогаш доаѓаа да ме посетат и да ги гледаат тренинзите. Посака и тој да тренира. Уште на почетокот беше очигледно дека е многу талентиран. Тоа што ќе го научеше на тренинг, следниот пат го демонстрираше на подобар начин од мене - вели Ристески.

Славен е голем љубител на музиката, особено на хард рокот. Како момче низ Европа бил на концерти на светски познати групи како „Пинк флојд“, „Ајрон мејдн“ и „Скорпионс“.

- Кога ќе се вратев, Тоше се интересираше за доживувањата, а потоа следуваше неговото неизбежно прашање дали донесов нова музика. Ќе седневме заедно да ги преслушаме и да ги анализираме новите хитови. Го запознавав и го насочував кон музиката, особено кон хард рокот. Славен го придружуваше Тоше на неговите настапи од самите почетоци на кариерата. Тој му беше најголем критичар, водич, а ја имаше улогата и на телохраните;.

- Пред секој голем настан имаше желба да се појавам за да ме види и така да биде сигурен дека е се' во ред. Имавме и ритуал. Земавме два чифта ракавици и 30 минути пред почетокот на концертот имавме спаринг. Така се ослободуваше од стресот и сигурен излегуваше на сцената. Тоше често се консултирал со зетот за новите песни што ги создавал. Често ставовите им се поклопувале иако Славен настојувал во нумерите на Тоше да доминираат тапаните.

- Најмногу се изненадив кога ми ја пушти снимката на која мојот син Кристијан ја пее евровизиската „Лајф“. Не го препознав, а тој тогаш ми рече дека не сме свесни каков талент имаме и дека Кристијан е единствениот што може да го натпее. Потоа заедно ја снимија првата дует-нумера. Еден месец пред смртта Тоше ја направи „Мое малечко“ што ја отпеа со Кристијан. Композицијата ќе се најде и на англискиот албум. Тоа е засега се' што можам да кажам. За плановите околу сите композиции што ги создаде пред смртта е рано да се зборува - завршува Ристески.

*****************************

ДЕЈАН ДОКИЌ, ДОКТОР НА ПРОЕСКИ

Алергиите не го спречуваа да живее за публиката

Иако беше исцрпен и со температура, им потпишуваше автограми и се фотографираше со обожавателите. Кога забележав оти ќе колабира, го фатив под мишка и го внесов во џипот, вели познатиот доктор

Тоше Проески и д-р Дејан Докиќ првпат се сретнале пред повеќе од пет години. Лилјана Петровиќ го замолила да го прегледа Тоше и да му најде соодветен лек за болеста што со години му создавала проблеми. Оттогаш па се' до неговата прерана смрт Докиќ се грижел за неговото здравје.

- Уште како дете Тоше имал алергии и повремено се лекувал. По направените тестови беше очигледно дека е многу алергичен и почнавме со терапија. Наскоро тој се чувствуваше добро и можеше да продолжи со својот ангажман на естрадата.

СЕКОГАШ ПОСВЕТЕН НА ОБОЖАВАТЕЛИТЕ

Со текот на времето, Тоше се' почесто му се јавувал - и во миговите кога ќе добиел обична настинка или, пак, кога ќе почувствувал голем замор.

- Еден ден ми се јави и ми рече дека ќе помине да ме земе со неговиот џип за да одиме на клиника. Ми се пожали дека не се чувствува добро. Кога стигнавме во болница, му реков дека треба да прима инфузија. Во тие неколку часа додека лежеше на болничкиот кревет, разговаравме за неговата кариера и за приватниот живот. Тој имаше необично голема доверба во мене. Кога заврши инфузијата, тој се' уште имаше температура и бидејќи беше исцрпен, тргнав да го испратам до неговиот џип. Кога стигнавме на паркингот, забележавме дека го чека една група обожавателки, кои го препознале неговото возило и упорно го чекале со часови.

Тоше беше многу љубезен со нив. Им потпишуваше автограми и се фотографираше со нив не водејќи сметка за својата состојба. Кога забележав дека ќе колабира, го фатив под мишка и го внесов во џипот. Тој не се штедеше себеси, туку гледаше да им угоди на обожавателите, зошто тие му беа инспирација. Тој живееше за нив - вели Докиќ.Д-р Докиќ го врзуваат многу настани за трагично починатата ѕвезда што му останале во длабоко сеќавање. Еден од нив е поврзан со настапот на Проески на Изборот за песна на Евровизија во Истанбул, во 2004 година.

- По пласманот во финалето на евровизискиот избор, ми се јави и едвај успеа да ми каже што му се случува. Бидејќи беше мај, месец кога се' е расцветано, добил напад на алергија и не можеше ни да зборува. Со првиот авион за Истанбул му испратив инхалатор со потребните лекови и истата вечер почна со терапија. На финалето, без никој да забележи дека е болен, успеа на извонреден начин да ја отпее песната и да ја претстави нашата земја на најдостоинствен начин - се сеќава докторот.

НЕГОВАТА ПЕСНА - НАЈМИЛ РОДЕНДЕНСКИ ПОДАРОК

Познатиот доктор често го придружувал Тоше на промоции и на концерти и секогаш се грижел за неговото здравје. Поради големата популарност на својот клиент, често се случувало персоналот од Клиничкиот центар да ја „окупира“ неговата канцеларија. Чекале да заврши прегледот за да може да се поздрават и да добијат автограм. Тоше бил секогаш љубезен.

- Пред неколку години Тоше ме покани на својот роденден кој го славеше во „Лира“, во кругот на интимните пријатели. Таму беа Борис Трајанов и Есма и роденденската прослава се претвори во прекрасен колаж од музички изведби на присутните гости. Неколку месеци пред да почине, Тоше намина кај мене. Кога разбра дека тој ден ми е роденден, стана и по своја иницијатива ми ја отпеа Happy Birthday. Гледано од оваа перспектива, тоа ми е најмилиот подарок што кога било сум го добил - завршува д-р Докиќ.

ИНФО-Блиско пријателство

Проески и Докиќ се запознале пред повеќе од пет години на предлог на Лилјана Петровиќ. Тој го лекувал од алергиите што Тоше ги имал уште од мал. Пред евровизиското финале во Истанбул во 2004 година нашиот претставник добил напад од алергија и Докиќ преку авион му испратил инхалатор и лекови. За Докиќ најубав роденденски подарок е моментот кога Тоше му ја отпеал Happy Birthday.
**********************

ДЕЈАН НЕДЕВ, КАРАТИСТ И ПРИЈАТЕЛ НА ТОШЕ

Имаше дарба за борачки вештини

Прашајте кој било спортист, секој ќе потврди дека се чувствува возвишено кога ќе ја слушне химната „Македонија навива за вас“. Тоше сакаше да не' мотивира, вели Недев

Едно од редовните свратилишта на Тоше Проески пред трагично да загине во Нова Градишка бил и карате-клубот „Работнички“, во кој со пријателот - врвниот каратист Дејан Недев - заедно ја вежбале оваа борачка вештина. Нивното другарство почнало непосредно пред снимањето на спотот „Ако ме погледнеш во очи“, а се запознале преку Оливер Ромевски, кој бил сценарист на клипот и го ангажирал Недев за совети околу борачкиот дел.

Недев вели дека Тоше веднаш ги совладал потребните потези поради претходното искуство со кикбоксот, а уште од првиот момент ја почувствувал неговата отвореност и веднаш се зближиле. По првата средба нивните контакти зачестиле, а секогаш кога имал слободно време, Тоше доаѓал заедно да тренираат.

- Тоше поседуваше еден од најважните елементи за борачките вештини: храброст. Тој воопшто не се плашеше да изведе опасен удар, а бидејќи беше природно „разгибан“, ножните удари ги изведуваше како вистински професионалец. Кога работевме на емисија за телевизија „МС“, за неколку дена совлада опасни удари и префрлања што ги изведе речиси подеднакво добро како што би ги извел и јас. Тоше имаше дарба за борачките вештини и многу ги сакаше - вели Недев. Каратистот појаснува дека Тоше бил вистински спортист и често изјавувал дека, ако не е музичар, сигурно би се занимавал со спорт.

- Неговиот спортски дух може да се почувствува во последната песна што ја сними - македонската навивачка песна. Беше инспириран да не' мотивира нас спортистите што ја претставуваме земјава во странство. Прашајте кој било спортист, секој ќе потврди дека се чувствува возвишено кога ќе ја слушне таа песна - вели Недев.

На заедничките тренинзи најчесто вежбале борбени комбинации и ситуациони вежби, а една од главните причини поради кои Тоше вежбал била одржувањето на кондицијата за многубројните настапи и концерти. Покрај стандардните вежби, тие понекогаш вежбале и со старите кинески оружја, бо-стап, нунчаки и тонфу. Недев вели дека Тоше толку добро ги имал совладано оружјата, па дури бил подобар од него во изведувањето на техниките.

Недев објаснува дека имале многу убави заеднички моменти и укажува дека со човек како Тоше е невозможно да нема интересни случки.

- По извесно време цел Капиштец дозна дека Тоше тренира во нашиот клуб. Луѓето што ги познавам од околината ми кажуваа дека навечер неговите обожавателки излегувале на терасите за да го гледаат како вежба. Набргу почнаа и да се собираат пред клубот, а некогаш имаше проблеми да си оти дома. Еднаш кога се собраа обожавателки околу клубот, на шега му реков дека би сакал барем на пет минути да бидам на негово место, а тој ми одговори дека можеби девојките се дојдени заради мене. Навистина беше многу скромен и навистина вонсериски срдечен за толку голема ѕвезда. Често ми велеше дека и моите успеси се важни колку и тоа што тој го прави за нашата држава - вели Недев. На крајот, познатиот каратист истакнува дека имале многу заеднички планови, како и тој за организирање ревијален кикбокс-турнир што, за жал, останал неостварен.

- Навистина ми е жал што се случи трагичниот настан, Тоше многу ми недостига, како што им недостига и на сите останати - завршува Недев.

Во одбрана на својот другар

Дејан вели дека никогаш не се случило Тоше во реалноста да примени некоја од техниките што ги вежбале. Сепак, во една ситуација за малку ќе настрадал еден од неговите другари.

- По едно вечерно излегување во кафулињата на Кејот на Вардар, еден од моите другари не' видел и решил на шега да не' исплаши. Тој се затрча кон нас, а не видовме за кого станува збор. Тоше изреагира место мене и за малку ќе го удреше мојот другар бидејќи помислил дека некој сака да ме нападне. Во последен момент успеав да го спречам да го удри и му кажав дека ми е другар - објаснува Недев.

На велосипед до Куманово и назад

Дејан вели дека Тоше бил упорен и многу решителен кога ќе науми нешто да направи.

- Пред околу две години кога се врати од некое патување, ми рече дека сака да купиме велосипеди за да возиме. Само што ги купивме, првиот ден се качивме до врвот на Водно. Иако едвај се искачивме, веднаш посака уште следниот ден да возиме за Куманово. Јас му реков дека треба да стекнеме малку кондиција, но тој инсистираше. Следното утро тргнавме по автопатот, а веднаш штом стигнавме до Куманово, без поголема пауза тргнавме назад. Пред влезот на Скопје бевме преморени и се фати за ретровизорот од џипот што не' следеше. Му реков дека по напорното возење мора да ги издржиме и овие неколку километри. Едвај успеавме да се качиме по скалите до мојот стан. Само што се одморивме и земавме душа, ми рече да направиме акција за да ги мотивираме луѓето да возат велосипеди и да организираме возење од Скопје до Крушево и назад. За жал, не успеавме да ја реализираме таа негова голема желба - истакнува Недев.

Лично го пречекал Илија Јорга

Една година во Македонија гостувал светски познатиот инструктор од Србија, Илија Јорга, а Тоше, кој уште од младоста слушнал за него, сакал да присуствува на семинарот.

- Тоше посака да го пречека инструкторот на аеродром и рече дека тоа ќе му биде голема чест. Прифатив и му кажав дека сигурно и нему ќе му биде мило. Кога пристигна инструкторот и кога виде дека Тоше го чека со својот приватен автомобил, не му се веруваше. Веднаш и се јави на ќерката во Белград за да и каже дека на скопскиот аеродром го пречекал Тоше Проески - нејзиниот омилен пејач. Иако не вежбаше, Тоше присуствуваше на семинарот - вели Недев.

*********************

Не претпоставувавме дека создаваме негов телевизиски реквием

Посебно чувство ми предизвика изјавата на Тоше снимена во манастирот, во која вели: „Тука почнав и еден ден, после се', тука и ќе завршам!“, вели Неделковски

Документарната серија „Пет години Балкан“, продуцирана од „Аворд“, по смртта на Тоше повеќепати беше емитувана на телевизиите во балканските земјите и доживеа голема популарност. Сценаристот и режисер на серијата, Огнен Неделковски, открива дел од нејзината реализација.

- Првата епизода од серијата, целосно посветена на поврзаноста на Тоше со Крушево, беше прекратка за да ги собере сите интересни материјали снимени низ Крушево. Тие содржеа многу впечатливи искажувања на неговите родители, сестра му и на другарите. Снимањето се одвиваше во мај 2007 година, но во Крушево имаше многу снег. Тоше беше упорен, согласно со сценариото, да ја одведе екипата во манастирот „Св. Преображение“, но поради високиот снег неговиот џип се заглави. Екипата загуби многу време да го истурка џипот, а по успешно завршената работа Тоше беше видно среќен и задоволен - истакнува Неделковски.

При прегледувањето на материјалите снимени во Крушево, Огнен ја почувствувал магливата атмосфера во дворот на манастирот и од сето тоа почувствувал морници по телото.

- Посебно чувство ми предизвика изјавата на Тоше снимена во манастирот, во која вели: „Тука почнав и еден ден, после се', тука и ќе завршам!“ Се зачудив од зборовите што ги слушнав и долго размислував дали да го скратам тој дел или, сепак, да остане?! Се' до денешен ден не знам што ме натера да ја задржам таа негова изјава, која целосно отскокнуваше од нашата идеја за снимање серија што ќе ги отслика неговите петгодишни успеси на Балканот. Кој можеше да претпостави дека го создаваме неговиот телевизиски реквием - укажува познатиот текстописец.

Песната „Крушево“ ја нарача два месеца пред смртта

Во текстот што го напишав по желба и идеја на Тоше се зборува за времето што доаѓа по една кариера по која човекот се враќа во своето родно место и останува таму засекогаш - вели Рус

Голема желба на Тоше Проески била да отпее песна за своето родно Крушево. Откако му се доверил на Мирослав Рус, познатиот хрватски композитор и текстописец решил да му го напише текстот и му го предал два месеца пред неговата смрт.

- По неговиот концерт во Загреб, седнавме да го гледаме документарниот филм „Пет години Балкан“. Кога дојде на ред сцената во која Тоше го бакнува манастирот, се сврте кон мене и ми рече: „Долго време барав некој да ми ја напише песната за Крушево, но не успеав да најдам. Сега знам кој тоа ќе го стори. Рус, тоа ќе бидеш ти“. Со оглед на тоа што не постоеше желба што јас нема да се обидам да му ја исполнам, се согласив. Навлегов во неговата идеја каков да биде текстот. Многу зборувавме на таа тема. Таа песна, всушност, е спој од моето творештво и тоа што на некој начин тој сакаше да го каже преку неа - открива Рус. Кога му го предал текстот, Тоше бил одушевен и го замолил сам да ја напише музиката.

- Иако тоа не беше правило во нашата работа, сепак, се согласив. Во песната се зборува за времето што доаѓа по една кариера и по која човекот се враќа во своето родно место и останува таму засекогаш. Тоше, всушност, сакаше тоа да го напишам, што и го направив. Но, пишувајќи ја песната, верував дека тоа време ќе дојде многу подоцна во неговиот живот. За жал, се случи многу брзо. Дури тогаш ми стана докрај јасно која беше неговата порака до сите нас во неговата желба да се направи една таква песна. Неговиот зет Славен ми рече дека Тоше направил и музика на тој текст, но се' уште ја немам слушнато - завршува Рус.

*****************

Што загубивме со смртта на Тоше

На 16 октомври 2007 година, на автопатот близу Нова Градишка во Хрватска, околу 6.20 часот, Македонија загуби многу. Младите останаа без идолот со чии песни растеа и учеа за љубовта. Во неговите стихови доминираа позитивни чувства, простување, надеж, верба. Тие останаа без човекот што бескрајно ги сакаше и секогаш беше расположен да им подари автограм и насмевка. За нив веќе ги нема незаборавните мигови на исчекување на неговите концерти на Градскиот стадион и бисовите без крај, кои редовно ги добиваа зашто Тоше никогаш не се штедеше.

Девојките загубија идол што личеше на принц од соништата. Убав, висок, насмеан, позитивен. Уште долго во својот живот во секоја нова симпатија ќе го бараат токму тоа скромно и воспитано момче, кое со години им се смееше од постерите на ѕидот од нивната соба. Возрасните, пак, загубија човек што беше пример за нивните деца. Никогаш не потклекна пред искушението на кој било порок. Стана пример за неколку генерации млади луѓе што се поистоветуваа со неговата хуманост и добрина.

Македонската музика изгуби пејач што со својата интерпретација од наједноставна мелодиска линија и од просечен текст, правеше мегахит. Загуби автор, кој можеше да создаде уште многу песни. Болните и сиромашните останаа без човекот што секогаш наоѓаше време и пари да им помогне, да им ја намали болката, за миг да им го разубави животот. За него, сите луѓе беа исти. Без разлика на вера, раса, пол. Уште долго, како легенди, ќе живеат спомените на луѓето што некогаш биле дарувани од неговата рака. Македонија го загуби најголемиот амбасадор. Каде и да настапуваше, постојано зборуваше за својата земја, го истакнуваше нејзиното знаме. Затоа и секогаш брзаше да се врати во саканата Македонија и во родното Крушево.

Што научивме од неговиот прекраток живот? Многу! По кој правец треба да чекори македонската музика. Како треба да изгледа и да се однесува вистинска музичка ѕвезда. Научивме дека Градскиот стадион може да се користи и за музички настани и оти може да собере и над 30.000 луѓе. Дека талентот и вербата во Господ може да бидат златен клуч за успехот. Научивме дека воопшто не треба да се срамиме да ја покажуваме и да ја делиме љубовта. Научивме дека треба секогаш да помагаме и да бидеме подобри и похумани луѓе. Научивме дека и во 21 век може да се живее со голема насмевка и со уште поголема душа.

****************

ТОШЕ,ТЕ САКАМЕ СИТЕ....

2008-09-25T08:54:00.000-07:00

Концертот за Тоше - подарок за граѓаните од целиот свет!

Телевизискиот и радио пренос од меѓународниот хуманитарен концерт под име Те сакаме сите, посветен на Тоше Проески, кој ќе се одржи на 5-ти октомври 2008. година, со почеток од 19.30 часот, Македонската радио телевизија, како негов ТВ продуцент и медиумски покровител го нуди слободно (free to air!).

Тоа значи дека сигналот ќе биде достапен без каква било надокнада, за било кој корисник на територијата на Република Македонија и во светот, преку сателит.

Електронските медиуми заинтересирани за пренос на концертот, дополнително ќе бидат известени за техничките податоци на сателитот од каде ќе може да го преземат сигналот и бесплатно да го користат емитувањето на концерот за свои програмски потреби.

На овој начин, концертот Те сакаме сите претставува подарок за граѓаните од светот. Локацијата на одржување на хуманитарниот концерт е Градскиот стадион во Скопје. Концертот е во организација на Меѓународната фондација Тоше Проески, под покровителство на Влада на Република Македонија и Министерство за култура на Република Македонија.

Tose proeski posleden koncert (last concert R.I.P Angel

ДАНИ и НИКОЈ КАКО ТИ..

2008-09-20T06:29:00.001-07:00

Dani Dimitrovska - Nikoj kako Ti

watch in normal quality watch in high quality

Кирил во пештера!?

2008-09-14T06:39:00.000-07:00

---Следната дестинација на Кирил Џајковски, кој ова лето како тајфун во неколку наврати го обиколи Балканот долж и попреко, е Earth Dance фестивалoт сместен во прекрасната област Луковит, каде се наоѓа пештерата Проходна, 250 метри долга, со свод висок 40 метри. Оваа природна сензација е една од најубавите глетки во соседната Бугарија.

Во соопштението за медиуми, хедлајнерoт на фестивалот се најавува со зборови: ...Македонскиот гуру на електронската и филмска музика... Конкретно, Кирил со својот live electronic act ќе настапи на 13. септември во 23 часот...

Кад би' био Бијело дугме во Скопје!?

2008-09-14T06:37:00.000-07:00

Некогашните пејачи на Бијело дугме – Жељко Бебек, Младен Војичиќ – Тифа и Ален Исламовиќ, со својата програма Кад би' био бијело дугме, на 25. октомври ќе одржат концерт во Скопје, дознава МММ од свои извори. Иако настапот на популарната тројка се уште не е потврден официјално, нивниот настап во македонската престолнина е речиси сигурен, и претставува дел од големата светска турнеја.

Имено, откако одржаа три концерти во 2005-та година (во Сараево, Загреб и Белград), заедно со Горан Бреговиќ и остатокот на Бијело дугме, тројца незадоволни пејачи, особено незадоволни од тоа како финансиски поминаа од концертите, го оформија триото БАТ (Бебек, Ален, Тифа), со кое настапуваат насекаде долж земјината топка. И, што е најинтересно, секаде каде што концертираат, се бара билет повеќе.

Нивниот репертоар е составен од песни со кои се прославија додека членуваа во Бијело дугме, како и од композиции настанати во периодот кога беа соло.

Еден месец пред концертот во Скопје, Бебек, Ален и Тифа ќе настапат во бугарскиот пограничен град Ќустендил, а се очекува спектакуларниот настан да собере околу 50.000 посетители.

Пејачката тројка порачува дека по настапот во Скопје, нивната турнеја ќе трае уште долго, бидејќи интересот е огромен. Периодов, освен во Бугарија и во Македонија ги очекува концерт во Љубљана, како и настапи по Германија, Русија и други земји...
-Што мислите вие за ова...оставете коментар кај "коментари тука"///.....

РОКЕНРОЛ училиште

2008-09-12T08:12:00.000-07:00

Во пресрет на шестата сезона на рокенрол училиштето Ентерпрајс

Од 13. со 30. септември 2008. година траат уписите во популарното музичко рокенрол училиште Ентерпрајс на респектираниот македонски музичар и продуцент Валентино Скендеровски. Шестата учебна сезона во Ентерпрајс, за учебната 2008-2009 година, ќе ја одбележи обновување и проширување на наставната програма. Истата се одвива во просториите на студиото Ентерпрајс, кое важи за едно од петте најдобри тонски студија на Балканот.

Нашите ученици често имаат прилика да се сретнат со многу ѕвезди кои ги снимаат своите проекти токму во ова студио, а во истовреме имаат прилика да бидат дел од самиот процес на снимање и создавање на нивните музички дела – вели за МММ првиот човек на Ентерпрајс, Валентино Скендеровски.

Тој дополнува дека предавачите во училиштето се секогаш одбрани луѓе, а во истовреме актуелни музичари, продуценти, изведувачи, аранжери... Ова значи дека учениците кои ја посетуваат наставата секогаш ја имаат привилегијата да учат од докажаните професионалци од областа на музиката.

Во Ентерпрајс знаењето се добива од луѓе кои ќе ви ги пренесат личните искуства, со кои се стекнале во своите долгогодишни професионални ангажмани – дополнува Скендеровски.

Во улога на предавачи во Ентерпрајс се ангажирани:

Валентино Скендеровски – Музичка продукција и Sound engineering, како и Програмирање на Cubase и VST инструменти.

Владимир Аговски Аго – Хип-хоп продукција

Бојан Трајковски од Eye Cue – Гитара

Иво Митков од Eye Cue – Рок тапани

Алек Секуловски од бендот на Тони Китановски – Jazz тапани

Иван Сариевски од Eye Cue – Бас гитара

Андријана Јаневска – Естрадно пеење, како и Пијано и солфеж

За гитара, бас гитара, пијано и солфеж, тапани и пеење цената на часовите е 2.000 денари за еден месец.

За часовите по музичка продукција и sound engineering, програмирање на Cubase и VST инструменти и хип-хоп продукција месечно треба да се плати по 3.000 денари.

Пријавувањето и уписот можат да се регулираат телефонски, на 070-380-592 и 070-230-886, или на skenderovski@gmail.com, www.myspace.com/skenderovski, www.studio-enterprise.com.

Важно!!! Заради преголемиот интерес, годинава програмата е проширена и збогатена со нови класи и нови и современи начини за изучување музика. Затоа побрзајте!!!

И, уште нешто! Фотографиите кои го илустрираат овој текст се забележани на завршниот концерт на петата генерација ученици од рокенрол училиштето Ентерпрајс, кој на крајот на учебната година се одржа во Кастро. Видео-материјалот од концертот на DVD формат ќе биде објавен во текот на месец октомври.
-Паааааааа занимливо,шо милсите вие за училиштеве оставете коментар.....

Многу ги сакам домашните актерки, ама баш сите!

2008-09-10T06:03:00.000-07:00

Актуелниот вокалист на скопскиот хард-рок состав Морал, Влатко Илиевски, кој последниве години успешно ја гради соло-кариерата, реши да се разголи во нашата рубрика Моето второ ЈАС. Секако разголувањето е само фигуративно, и претставува другата страна на младиот актер, за која јавноста и не знае баш премногу.
Ресторан во кој последен пат најдобро си ручал?

Па… Можам да се пофалам дека случајно ресторанот со најдобра скара во Скопје е во сопственост на татко ми. Случајно Кај Врсач последен пат ручав.

Најзаводлива домашна актерка е...?

Многу ги сакам домашните актерки, ама баш сите! И сите се толку заводливи што сум прв што проверува кои се нови запишани актерки во новите класи на Академијата. За да се освежиме малце...

Што најпрво би сменил кај себе?

Со намера или за нешто, не би сменил ништо! Се оставаш со времето и искуството да си се смени. Многу работи сами се менуваат и се вклопуваат сами со мене и во мене.

Последен добар концерт на кој си бил?

Одамна не сум бил на некои голем концерт, но во последно време многу поинтересни ми се мини-концертите или клупските свирки. Сепак, кога би избирал еден, тоа би бил Брајан Адамс.

Кој е гениј?

Никој не е гениј. Едноставнио некој се сетил или ги разбрал некои работи пред другиот.

Омилен суперјунак?

Алан Форд.

Што читаш?

Прв ги читам утрешните весници, па од сабајле уште еднаш ги повторувам, за да бидам спремен во текот на денот. Освен тоа, читам драми, биографии, автобиографии...

Со кое друштво го замислуваш совршеното патување? На која дестинација?

Никогаш не сум бил љубител на големи патувања со големи друштва. Секогаш имам некоја обврска, да ги пазам другите, па заради тоа не можам да си го поминам патувањето опуштено. А, кога шетам со друштво, тоа е обично низ центарот на Скопје.

Последна работа, приказна или сцена што од срце те насмеала?

К-15. Јас сум едне од најголемитее фанови и колекционери на нивните скечеви и мини серии, кои ги знам напамет.

Филм што би го препорачал?

Е тука веќе не можам конкретно да одговорам. Голем колекционер сум на филмови, а кога би морал да препорачам нешто, ајде нека биде Мамбо Кингс.

Идеална љубов е...?

Онаа што ја сакаме сите. Ама, не знам ни тогаш дали би било се идеално. Секогаш нешто ќе фали.

Што би сакал да ти се случи месецов?

Да снимам спот за една од песните за која планирам, и да биде се по план...

Како ја замислуваш идеалната есен?

Многу работно, со голем квалитет во работата и успехот.

Во кој момент најчесто почнуваш да се досадуваш во кафуле?

Во кафуле никогаш не ми е досадно, и токму заради тоа, многу често седам за шанк, кај што во секој момент ќе најдам некој или нешто за добар разговор.

Последно цеде во домашна колекција е...?

Одамна престанав да купувам CD-иња. И јас сум во влезен во онаа интернет генерациja што симнува песни. Во кола секогаш имам нешто од Лед Цепелин.

Која боја ти се саботите?

Еве, ова го пишувам во недела, а околу мене се е во среќа – портокалово.

Без што не можеш да го замислиш денот?

Без кола.

Песна за крај?

Хајдемо у планине.

бебе?...

2008-09-08T07:26:00.001-07:00

Бебе од 11 месеци тежи 28 килограми

Лекарите во Јужна Америка се обидуваат да ги откријат причините за огромната тежина на 11-месечното бебе. Бебето тежи 28 килограми, што е просечна тежина на осум годишно дете во Колумбија.

Неговата мајка Милена Ороско тврди дека бебето почнало да се дебелее кога имало осум месеци.

Тие откриле дека детето има пореметување во работата на штитната жлезда која е одговорна за регулацијата на метаболизмот како и за процесот на нормално растење и созревањедодека пак тестовите покажале дека бебето има коски на осум годишно дете, но не знаеле што е причината.

Поради огромната тежина на детето мајката морала да набавува облека од поголеми деца но и со тоа имала проблем. Така детето сега носи само гигантски пелени. Инаку децата на таа возраст тежат околу шест до седум килограми.

УРАГАНОТ ГУСТАВ ....

2008-09-08T07:24:00.001-07:00

Ураганот Густав - низ фотографии

Ви приложуваме неколку фотографии од ураганот Густав кој пред неколку дена беснееше низ некои делови од Америка. Овој ураган успеа да ја достигне третата категорија, нешто слично како ураганот Катрина од 2005 година. Погледнете го Густав низ неколку поинтересни фотографии.

ХАХА..ЗзЗзАААбавааа

2008-09-08T07:22:00.000-07:00

Водителско (не)трпение!

Што се случува кога водителот на вести ќе го изгуби трпението. Видео!

kOMEntaR......????.....:}////....

Најсилните урагани допрва доаѓаат

2008-09-08T07:18:00.000-07:00

Според една нова студија најсилните урагани и тајфуни за време на изминатите две ипол децении дообиле во брзина и интензитет. Ова додава нов жар на дебатата која веќе се води околу тоа дали глобалното затоплување ги прави тие природни непогоди уште пораздорни.

“Мислам дека овде можеме да воочиме климатски сигнал“ вели професорот по географија на Државниот универзитет во Флорида , Џејмс Б.Елснер во споменатата студија, објавена во магазинот “Нејчер“.

Според Елснер со очекуваното понатамошно затоплување на океаните може да се очекува голем број на урагани од четврта и петта категорија чија максимална сила на ветрот изнасува најмалку 210 километри на час. За разлика од тоа типичните тропски бури со слаб интензитет со текот на проучуваниот период не се зајакнати.

Секоја година ширум светот има околу 90 тропски, циклонски бури. Најсилните меѓу нив настануваат на Атлантикот, со брзина на ветрот од најмалку 120 километри на часи нарекувајќи се урагани додека во Индискиот и Пасифичкиот океан нивен еквивалент претставуваат тајфуните.

Во Атлантикот во текот на оваа сезона, која трае се до крајот на ноември се формирале околу десет бури кои добиле посебни имиња.

Топлината која настанува од загревањето на океаните обезбедува поголема енергија за настанување на урагани и тајфуни но истотака климатските промени ги засилуваат и условите како што се поделба на ветровите за да дуваат со различна брзина, во различни правци кои имаат тенденција да ги разбиваат овие природни незгоди. Поради овие фактори поголем број од силните ветрови не го достигнуваат својот максимален интензитет.

Доктор Елснер меѓутоа како и другите коавтори на студијата смета дека зголемената температура во водите во океаните ја зголемува можноста за интензитет на ураганите и дека олујните ветрови кои се развиват во иделни услови би можеле да станат уште посилни.
KOMMMMMMEEENTTTAAARRRR>>>????....

Шокантно: Девојче составило пушка за 53 секунди

2008-09-08T07:17:00.000-07:00

Не е воопшто чудно што во училиштата во САД појавата на пукање на деца е честа појава, кога 11 годишно девојче може да состави пушка во рекордно време, побрзо од било кој професионален војник. Видео!

Во приложеното видео ќе имате ретка можност да видите како едно 11 годишно девојче ракува со опасно огнено оружје. 11 годишната американка составила пушка за рекордно време.

Можеби всушност тоа ја објаснува појавата што во училиштата во САД годишно умираат 14 пати повеќе деца помлади од 14 години, отколку вкупно заедно во 25 развиени земји.

Силен фактор за оваа појава се и холивудските филмови, каде речиси не постои филм без испукан куршум од огнено оружје.

На 10 септември крај на светот?

2008-09-07T05:38:00.000-07:00

На 10-ти септември најголемиот акцелератор на светот, кој се наоѓa на француско - швајцарската граница со седиште во ЧЕРН, би требало да се активира.

Експериментот може да доведе до крај на светот, предупредува собир на научници. Тие дури и по судски пат побараа да се забрани експериментот.

За девет дена, на 10 септември, најголемиот ацелератор на светот, кој се наоѓа на француско-швајцарката граница во седиште на ЧЕРН, би требало да се активира и да созададе црна дупка.

Некои предупредуваат дека таа црна дупка би можела да ја проголта планетата Замја. Акцелераторот ги забрзува честичките до брзина на светлината, а со експериментот сакаат да создатат услови какви што постоеле после созадавање на вселената.

Скептиците предвидуваат дека при овој обид ќе се создадат неколку мали црни дупки. Тие во наредните пет години би можеле да се спојат во една голема црна дупка и да ја проголтаат Земјата.

Сепак, Европскиот Суд за човечки права пред кој што научниците бараат забрана, нема да го стопира експериментот. ЧЕРН ја призна можноста од појава на црни дупки, но сметаат дека нема потреба за страв.

Од центарот пак тврдат дека овој експеримент е клучен за откривање на сите мистерии поврзани со вселената.

Како краен резултат, научниците очекуваат дека ќе се открие фундаменталниот дел на атомот, кој се вика Хигсов бозон, за кој се смета дека постои, но досега науката никогаш го нема откриено.

Професорот Ото Рослер, кој ја предводи опонентската страна, покренал тужба на Европскиот суд за човекови права против 20-те земји кои го финансираат овој проект.

Гласноговорникот на центарот тврди дека овој експеримент нема да создаде ништо што би го загрозило човековото постоење.
Oставајте коментари..............можеби и за последен пат????....

Тоше двоен шампион во Хрватска!

2008-09-04T06:56:00.000-07:00

По прв пат во историјата на емисијата HR Тоp 20, на хрватската национална топ-листа, еден изведувач се наоѓа на првото место на две топ-листи: забавна и поп-рок. Тоа му успеа на единствениот и легендарниот, нашиот Тоше Проески!

Песната Несаница од албумот Игра без граница, се наоѓа на прво место на забавната топ-листа, додека темата The hardest thing го зазема првото место на поп-рок листата. The hardest thing во Хрватска стана голем хит по премиерното емитување на Хрватски Радиски Фестивал ова лето.

Тоше веќе два пати ја доби титулата победник на годината на национална топ-листа во Хрватска – во 2006. година со хитот Срце није камен и лани со насловната тема од музичкиот бестселер Игра без граница.

По синглот Срце није камен, сите синглови на Тоше во Хрватска беа број 1 на националната топ листа, HR Top 20।Oтворете ја страната http://www.respectance.com/ToseProeski/memorial

Александра во чест на Независноста и Гроздоберот

2008-09-04T06:54:00.000-07:00

Александра Пилева за 8-ми септември ќе настапи на градскиот плоштад во Велес. Секоја година градот Велес традиционално го прославува Денот на Независноста на Република Македонија, а по тој повод Александра ќе одржи коцерт во живо, зедно со својот бенд Мајка.

Александра ќе има концерт и еден ден порано, на 7-ми септември во Кавадраци, на граскиот плоштад, во рамките на традиционалната прослава Денот на Гроздоберот.

Учествувајте во темава и забавувајте се : D

2008-08-13T10:44:00.000-07:00

-Еве неколку романтични прашања на кои треба да одговарате и да учествувате во темава,одговори,текстови и прилози оставајте под текстот каде што пишува "КОМЕНТАРИ ТУКА".Повелете...

Дали сте романтичен/романтична?
Што би и предложил/му предложила кога сте заедно?
Романтично место кое вие го сакате сте биле или сакате да отидете таму со своето момче/својата девојка?
Случка која ви ја уништила врската?
Со што би го изненадила/би ја изненадил?
Дали ги контролирате вашите емоции?
Дали сте ја изневерувале/изневерувала момчето/девојката?
Кога знаете дека сакате да имате сериозна врска со личноста со која сте во врска?
Дали е подобро да бидеш сам/сама или во врска???
И дали би преминале веднаш на секс со вашиот дечко/вашата девојка?

П.С:"Кога ги одговарате прашањава пуштете си некоја балада,така полесно ќе го слушате вашето срце додека одговарате>Наша препорака па вие.."
*Одговарајте,ќе добиете и коментари на вашите одговори.Поздрав и почнете да одговорате под текстот каде што пишува "КОМЕНТАРИ ТУКА"...
*Сите 10 прашања можат да ги одговараат двата пола....

ЛЕТЕН ХИТ за градот ПРИЛЕП

2008-08-12T04:33:00.000-07:00

Секој петок „Вечер на мајтап и вицови“ пред споменикот на Итар Пејо

Прилепчани секој петок ќе можат да присуствуваат и да земат учество во манифестацијата „Вечер на мајтап и вицови“ која е во организација на Локалната самоуправа а потпомогната од Центарот за култура „Марко Цепенков“ и Н.Т.“Војдан Чернодрински“.

-Манифестацијата традиционално ќе се одржува секој петок се додека има реални услови за нејзина изведба.оваа манифестација е во рамките на Прилепското културно лето.Целта е да се заживее просторот кај новиот плоштад пред споменикот на Итар Пејо.Прилеп е град кој е познат по мајтапите и шегите , тргнувајќи од тоа дојдовме на идеа да организираме манифестација од ваков вид која се надеваме дека ќе прерасне во традиција.Со оваа манифестација сакаме да се врати духот на мајтапот и шегата и мудроста скриена во неа, рече, на прес конференцијата одржана со новинарите, градоначалникот Марјан Ристески.

Дитекторот на Н.Т.„Војдан Чернодрински“, Стојан Дмачески истакна дека Народниот театар ќе зема активно учество во збогатувањето на програмската содржина на манифестацијата.

Покрај сетови од шеги кои ќе ги изведат младите актери од Н.Т. „Војдан Чернодрински“ и пријавените прилепчани кои ќе се натпреваруваат за најдобар виц или мајтап ќе биде проектирана серијата „Солунски патрди“.

За наредниот петок , директорот на Н.Т.„Војдан Чернодрински“, најави дека на просторот од новиот плоштад пред споменикот на Итар Пејо ќе биде изведена комедијата „Ок кол на кол“.

Сите заинтересирани граѓани кои сакаат да се натпреваруваат своето учество можад да го пријават во Локалната самоуправа , канцеларија бр.33 најдоцна до петок.

Како сатисфакција за најдобрите учесници кои ќе кажат најдобар виц или мајтап, Локалната самоуправа обезбени награди за кои ќе одлучува стручна жири комисија.

Патот кон божјиот храм на Тоше...

2008-08-12T04:21:00.000-07:00

По асфалт кон манастирот на Тоше од 23 август
Патот кон манастирот „Свето Преображение“ во Крушево, кој Тоше Проески го градеше заедно со своето семејство, ќе биде пуштен на 23 август, наместо на 19-ти, на верскиот празник Преображение, кога ќе се одржи традиционалниот голем народен собир. Одложувањето се должи на обврските на официјалните лица што треба да присуствуваат на свеченото отворање, соопштуваат од фондацијата „Тоше Проески“. Одложено ќе биде и осветувањето на манастирот, поради тоа што се уште не е стигнат иконостасот.
На свеченото отворање на патот кон манастирот ќе присуствува министерот за транспорт и врски Миле Јанакиевски, а од фондацијата очекуваат потврда и за присуството на премиерот Никола Груевски. Претходно, традиционалниот народен собир ќе се одржи според распоредот од претходните години, без дополнителна програма.

- Ноќта меѓу 18 и 19 август ќе се случува традиционалната посета на манастирот, а на 19-ти и големиот народен собир. Секогаш досега улогата на домаќин ја имаше Тоше, а отсега тоа ќе биде фондацијата. Планиравме да направиме и голем концерт на кој ќе настапат македонски музички имиња на истото место каде што секоја година пееше Тоше, но сепак таа идеја ќе ја реализираме од идната година, а понатаму се надеваме дека ќе стане традиција - вели Славен Ристески, зетот на Тоше и претставник на фондацијата „Тоше Проески“.
Концерт во чест на Тоше годинава, сепак, ќе се одржи, но на Градскиот стадион во Скопје на 5 октомври, точно на годишнината од минатогодишниот спектакл на кој мегаѕвездата речиси четири часа се дружеше со 30-илјадна публика. Тоа беше неговото последно збогување со многубројните обожаватели, бидејќи само десетина дена подоцна се случи фаталната сообраќајна несреќа во која тој прерано го заврши својот живот.

ИНСТИНКТ ЗА ПРЕЖИВУВАЊЕ....

2008-08-12T04:17:00.000-07:00

Ако се плашите од хорор-филмови, тоа е добар знак

Ако во текот на хорор-филмовите ги покривате очите додека другите зјапаат во екранот или ако лесно се плашите, тоа е добар знак бидејќи веројатно имате силен инстинкт за преживување, тврдат научниците. Тие истакнале дека постои ген во човечкиот генотип кој влијае на тоа како реагираме кога сме соочени со непријатни ситуации, односно слики. Луѓето со една верзија на генот за страв потешко ги одржуваат своите емоции под контрола и лесно може да станат нервозни. Така, според експертите, за оние што ги покриваат очите во текот на застрашувачките моменти од некој настан или филм, тоа претставува добра особина. Истражувачите ја извеле оваа студија така што ја следеле реакцијата кај голем број жени со различни варијации на генот ЦОМТ. Тие забележале дека волонтерките што ја носеле верзијата Мет158 биле многу поисплашени кога им се прикажувале страшни или непријатни слики од оние што во својот генотип ја имаат верзијата Вал158. Научниците тврдат дека мутацијата Мет158, која не постои кај шимпанзата, може да помогне при преживувањето. Всушност, тие дошле до заклучок дека поголемата анксиозност во голема мера помага кога човекот ќе се најде во опасна ситуација.

ИНТЕРЕСНИ ПРОНАЈДОЦИ

2008-08-12T04:13:00.000-07:00

Очила за сонце - ем корисни, ем модерни

Очилата за сонце не се изум на нашето доба, туку постојат повеќе од половина милениум. А кога настанале, не се користеле за заштита од сонце, а уште помалку како моден детаљ, по што и се познати денеска, туку имале сосема поинаква намена. Првите очила со темни стакла јавно се користеле во Кина во 15 век. Овој изум, меѓутоа, не бил употребуван за корекција на видот ниту штител од премногу силна светлина. Нив ги користеле кинеските судии за да ги скријат своите чувства за време на процесите. Со помош на темните очила тие не ги покажувале емоциите додека биле изнесувани докази и описите на криминалните дела, па никој не можел да претпостави каква казна ќе одредат. Очилата со затемнети стакла во 15 век се користеле и на Стариот континент, но не штителе од сончеви зраци туку се употребувале за креација на видот. Некои пронаоѓачи верувале дека стаклата обоени во сина или во зелена боја можеле да исправат одредени недостатоци на видот. Иако со векови биле користени очилата со темни стакла, вистинската популарност ја стекнаа дури во минатиот век. Сем Фостер, изумителот на компанијата „Фостер гранд“, во 1929 година го продал првиот пар очила за сонце кои имале намена да ги штитат очите од сончевите зраци. Две години подоцна, американската војска ангажирала една фирма за оптика за да им произведе квалитетни очила за сонце кои подоцна ги користеле пилотите. Истражувачите од оваа фирма усовршиле специјално темно-зелено мастило со кое се премачкувало стаклото на очилата и ваквата заштита од сонцето се покажала навистина ефикасна во американската авијација. Фирмата „Реј бан“ пред Втората светска војна, поточно во 1936 година, ги претстави своите очила за сонце направени со помош на специјална технологија која ја осмислил Едвин Ленд, творецот на корпорацијата „Полароид“. Овие очила им овозможувале на пилотите одлична заштита од премногу силното светло и од сончевите зраци. Очилата за сонце се употребувани и во минатиот век, пред се како заштита наменета за пилотите за време на воените мисии и воените вежби. Меѓутоа, по Втората светска војна, а особено во последните децении на минатиот век, многубројните фирми познати во светот ја почнаа трката во производство на очила за сонце, кои освен како заштита од сонцето, се користени и како моден детаљ. Благодарение на развојот на технологијата, стаклените делови на очилата се заменете со пластични, а денес се прават и очила за сонце во најразлични облици.

СПОРТ:Прва фудбалска лига - 2.коло

2008-08-12T04:10:00.000-07:00

Победа поразена дома од Ренова
Му даде гол на својот екс клуб. - Милан Илиевски во дресот на Работнички

Поразот на Победа од Ренова го одбележа второто коло на Првата фудбалска лига Прилепчани бодрени од 1.000 навивачи, на прилепскиот стадион Гоце Долчев, и по две одиграни кола остануваат без бодови. Во меч на кој речиси седумдесетина минута се играше рамноправно, гостите преку еден контра напад успееја да постигнат гол и да ги освојата бодовите. Во продолжение, фудбалерите на Победа ја отворија играта, но гостите одлично се бранеа. Треба да се напомене дека Ренова и предходно имаше подобар скор од меѓусебните средби со прилепчани
На мечот во Битола, пелистерци дури во финишот на мечот стигнаа до трите бода во дуелот со новакот во лигата Хоризонт Турново. Тие рано поведоа, но во 34 минута останаа без исклучениот Методија Степановски, па мораа да се орентираат на одбрана. Одкако за само две минути не искористија две стопостотни шанси преку Главевски и Блажевски, казната ги стигна преку погодокот на Роберт Лазаровски. Тој поради тоа што истрча надвор од теренот да го прослави голот го доби вториот жолт картон и мораше да ја напушти играта. Во 87 поранешниот репрезентативец Драган Димитровски му донесе водство на домаќинот, а Симоновски во 90.минута го потврди триумфот.
На стадионот во скопската населба Железарница, новакот Металург не се потруди многу да стигне до првата победа во дуелот со Напредок. Во игра без изразите шанси за гол, ремито е и праведен епилог. Единствено металурзите се заканија во 63 минута преку Костенцовски, кој со лоб-удар за малку беше непрецизен.
Во Кратово, според очекувањата Силекс ги подели бодовите со стариот пријател од Куманово, тимот на Милано.
Во саботата во одличен натпревар Работнички и Македонија ЃП ги поделија бодовите играјќи 3:3, додека Вардар во ова коло беше слободен.
Поради настап на нашата репрезентација, на 20 август, на пријателски меч со Луксембург, следното трето коло се игра на 24 август.
Коментар се бара прилепчани...???...

ЛОШ ДЕН ЗА МАКЕДОНСКИТЕ ОЛИМПИЈЦИ...:S

2008-08-12T04:07:00.000-07:00

Атанас Николовски остана без полуфинале
Препоследен.- Атанас Николовски

Македонскиот олимписки кајакар Атанас Николовски не успеа да се пласира во полуфиналето на олимпискиот кајакарски турнир во Пекинг и ги заврши настапите на Олимпијадата со пласман на 19. позиција во конкуренција на 21 кајакар во дисциплината К-1.
Николовски извозе вкупно време од 181,19 секунди, но не беше доволно да се протне меѓу најдобрите 15 полуфиналисти. Неуспехот на Николовски се должи на лошото возење во првата трка кога направи една грешка на црвената капија која го чинеше две казнени секунди или вкупно извозено време од 92,63 секунди. Второто возење беше далеку подобро со време од 88,56 без казнени поени и ако не погрешеше во првото, Николовски ќе беше многу поблиску до влезот во полуфиналето.
Во однос на победникот на квалификациите, Николовски заостануваше цели 14 секунди. Мало оправдување за лошиот резултат на Николовски може да биде и лошата состојба на новиот кајак кој се оштетил при транспортот од Скопје до Пекинг и кој Атанас два дена пред стартот на трката се обидувал да го санира.
Стрелачот Сашо Несторов беше убедливо најслаб на квалификациите во дисциплината воздушна пушка 10 метри и, логично, заврши на последното место во конкуренција на 51 натпреварувач. Двасет и едногодишникот забележа 558 круга, дури 11 помалку од Валтер Ернандес од Никарагва, кој го освои претпоследното место. Ниту еден друг натпреварувач немаше серија под 93 круга, а Несторов имаше три (96, 91, 93, 92, 92, 94).

Oставете коментар...

Седумте чуда на Русија

2008-08-11T05:46:00.001-07:00

Дворецот „Петергоф“ во Санкт Петербург, долината на гејзерите на полуостровот Камчатка, планината Мамаев Курган, планинскиот врв Елбрус, Храмот на Василиј Блажениот во Москва, Бајкалско Езеро и мистериозните карпести столбови се прогласени за седум руски чуда. Како пандан на минатогодишниот избор на седумте светски чуда на новото време, Русите организирале сопствен натпревар, а речиси 26 милиони Руси гласале преку Интернет за своите фаворити.
Натпреварот имал неколку фази. Во првата биле избрани 49 руски архитектонски или природни знаменитости-кандидати за чуда. Во втората останале само 14 и на крајот биле избрани седум.
Дворецот „Петергоф“ уште е наречен руски „Версај“ и престолнина на фонтаните. Го изградил познатиот архитект Бартоломео Растрели. „Големиот водопад“ пред него е една од најдолгите фонтани во светот. Долината на гејзерите се протега во должина од шест километри и е заштитена од УНЕСКО. Ја открила Татјана Устинова, а локалните научници почнале да ја истражуваат во 1972 година.
Мамаев Курган е доминантна планина недалеку од Волгоград и има значење за Русите во контекст на Втората светска војна. Планинскиот врв Елбрус во Кавказ, пак, со 5.642 метри е највисокиот во Русија. Со специјални жичници луѓето може да се искачат на височина од 3.800 метри. Повеќе од 100 лица секојдневно се обидуваат да го освојат.
Храмот на Василиј Блажениот или Покровски собор се наоѓа на плоштадот „Краснаја“ во Москва. Изграден е во времето на царот Иван Грозни, а легендата вели дека архитектот што го градел бил ослепен откако ја завршил градбата за да не може никогаш повеќе да создаде нешто толку убаво. Изграден е како спомен на освојувањето на градот Казањ.
Бајкалско Езеро е под заштита на УНЕСКО. Тоа е официјално најдлабокото езеро во светот со 1.637 метри и содржи речиси 20 отсто од изворите на свежа вода во светот. Во него живеат повеќе од 1.085 растителни и 1.550 животински вида, од кои 80-90 отсто се ендемични.
Последното руско чудо се столбовите во троицко-печорскиот регион. Тие се една од најмистериозните локации во Русија. Локалното население ги нарекува „Седумте силни мажи“, а всушност претставуваат седум карпести кули, кои се издигнуваат од многу тесна површина. Најверојатно се создадени со ерозија.

„Металика“

2008-08-11T05:44:00.000-07:00

„Металика“ отвора радиостаница

Легендарната американска хевиметал-група „Металика“ ќе отвори сопствена радиостаница во САД, која ќе почне да емитува програма од идниот викенд.
Радиостаницата Мандатори Металика ќе постои шест недели, а ќе емитува ретки живи снимки од личните архиви на членовите на бендот, интервјуа и музика од каталогот на составот.
Членовите на „Металика“, Џејмс Хетфилд, Ларс Улрик, Кирк Хамет и Роберт Трухиљо, ќе бидат водители на програмата.
Новиот долгоочекуван албум на култниот хевиметал-бенд, насловен „Death Magnetic“, на светскиот музички пазар ќе се појави на 12 септември годинава.

Се венчале на крила на авиони

2008-08-11T05:37:00.001-07:00

Двајца Британци го кажале судбинското „да“ на крилата на авиони во лет. Двајцата се наоѓале на различен авион, а на третиот бил свештеникот.
Невестата Кејти Хогсон се вивнала кон небото над Англија прицврстена за црвено-бел двокрилец на компанијата „Тим Гино“. Младоженецот Дарен Мекволтерс летал покрај неа на идентичен авион. Свештеникот летал пред нив и ги венчал преку радиоврска.Оставете коментар...:D

ПОП SВЕЗДАТА ТИЈАНА ПРЕСРЕЌНА ОТИ ЧЕКА БЕБЕ

2008-08-11T05:32:00.000-07:00

Јас сум супер трудница
Тијана е трети месец бремена и вели дека ептен ужива во бременоста

Поп sвездата Тијана Дапчевиќ, веќе во забелжителна бременост, викендов се одмораше во Охрид. Сместена е во познататата викенд населба Лагадин, а ја сретнавме на плажата "Десетка" каде се одмораше заедно со мајка си и сестра си Тамара.
Тијана е трети месец бремена и вели дека ептен ужива во бременоста.
"Јас сум супер трудница", вели Тијана и додава дека бременоста и оди многу лесно, дека не и е лошо наутро и дека освен многу овошје и зеленчук нема посебен режим на исхрана.
Очигледно среќна што по неколкугодишните обиди и се оствари сонот да стане мајка, Тијана вели дека се уште не знае дали бебето е машко или женско.
"Нека ни е живо и здраво", се смее Тијана.
Во Лагадин останува уште четири - пет дена, а потоа се враќа, дома во Белград.
"По толку години 'рмбање се повлекувам од естрадата и од работата. Одам во пензија, минимум на една година", вели Тијана.

Летото привршува....

2008-08-11T01:56:00.000-07:00

Продолжуваат подготовките за Макфест
Макфест 2008 веќе е при крај со подготовките. Избрани се дебитантите кои ќе настапат првата вечер, но и познатите поп-пејачи кои ќе настапат во двете полуфинални вечери. На фестивалската сцена во Штип ќе настапат и Александра Пилева, Искра Трпева, Влатко и Дани во дует, Андријана Јаневска, Ноне, Маја Вукичевиќ, групите Паркети и Браво бенд, како и Мијата, Дејана Николевска, Игор Митовиќ...
По кусата пауза за годишните одмори кон крајот на месецов продолжуваат подготовките за новото издание на Макфест што ќе се одржи на 9, 10 и 11 октомври. Уметничкиот директор Кристијан Габровски вели дека снимањата на песните се одвиваат според предвидената динамика.

Скопје мора да добие споменик на Тоше!

2008-08-11T01:52:00.000-07:00

- Скопје мора да добие споменик на Тоше! Всушност, така сметаат 89% од анкетираните, кои одговорија на прашањето: Треба ли и Скопје да добие споменик на Тоше Проески? За разлика од нив, 11 проценти од испитаниците сметаат дека еден споменик (во Крушево), во чест на нашата музичка легенда, е доволен.

Во пресрет на третиот роденден на музичкиот канал MTV Адриа, анкетното прашање за оваа недела гласи: По три години од стартот, ги оправда ли MTV Адриа вашите очекувања? Опциите за одговор се едноставни – Да и Не.
Гласајте! Со нетрпение ги очекуваме вашите одговори на анкетата десно>...

ВАШИ ТЕКСТОВИ.....

2008-08-10T07:42:00.000-07:00

*Can miles truly separate you from friends.... If you want to be with someone you love, aren't you already there? ************************************************************************************

*The worst way to miss someone is when they are right beside you and yet you know you can never have them.
**********************************************************************************
Tекст од Евгенија.

-----------------------------------------------------------------------------------------------
2. GREEN OUT - FREKFENCII

Пеше:
Знам кој е бандит, знам за мондус операнти
Знам за живот падни-стани, деца останати сами
Зараснати рани, фрлени во отпадните канти
Таленти, таму доле барај ги

Пеше & РНС:
Знам кој е бандит, знам за мондус операнти
Знам за живот падни-стани, деца останати сами
Зараснати рани, фрлени во отпадните канти
Таленти, таму доле барај ги

Пешe:
Криминално досие
Кога немаш кревет, немаш мирен сон
И кога немаш покрив не си припадник на топол дом
Тогаш си ладен, живoтот во Скопје носи бедови
Од чекање во редови, до висење на корнери
На минус 10 меѓу зградата и скалите,
Позади таму доле спијат луѓе, нели гледате?
Ме плаши, секој земен здив и после полноќ
Уште повеќе се плашам зашто нема кој за помош
Одам сам, патот ми е познат на кај дома
Да спомнам, имам и слики тераат солзи да ронам
Да гонам во мракот поган, но тогаш сум против вас
Земи се што нуди животот и што заслужуваш
И смени се, а не се осеќаш ко сменет
Денес не ме боли кур, младината мисли ко мене
Зашто не е лесно да си тамо доле,
Едно е да бидеш среќен, а друго е да бидеш задоволен
Солзи море, се само солзи море, продолжи
Додека имаш срце, има некој што ќе ти го скрши
Запамти, не си сам на асфалтот пред зграда
Секад има битки меѓу блокот и полицијана
На пример вака: имам потреба од бегање
Поради тоа што го чувам скирено во гаќите
Нешто за мене, другото за вас зашто сте ШШШШШ..
Цензура за да ве нафура, да идете у ШШШШШ..
Тишина! Како ли да му верувам на професор??
Едуцира мисла гледаќи низ прозорот
Па некад светот заслужува да биде само пцуен
Викни најгласно што мозес,твојот глас ќе биде чуен

(РНС):
Знам кој е бандит, знам за модус операнти
Знам за живот падни-стани, деца останати сами
Зараснати рани, фрлени во отпадните канти
Таленти, таму доле барај ги

Пеше & РНС:
Знам кој е бандит, знам за модус операнти
Знам за живот падни-стани, деца останати сами
Зараснати рани, фрлени во отпадните канти
Таленти, таму доле барај ги

РНС:
Сакаш гето, има ли такво нешто Скопјево?
Па не знаеш за ништо кога во кафич го пиеш кафето
Скопје, не е град си видел градови
Не е ни село, гледаш, улиците се бетонски
Тежината на животот е иста ко во гето, сепак што ќе ти?
Не знаеш за таков живот, благословен си
Не знаеш како е да раснеш, меѓу деца што те мразат
Пазиш каде газиш, виде група луѓе - трчаш назад
Не знаеш како е да бидеш секое утро станат
Од кавгата што доаѓа од дневната
Немаштијата си носи неслога, не знаеш како е
Баба и дедо, да си ги бркаат на улица внуците
Не знаеше ли дека вратите ти се затворени?
Влегуваш од прозори или ќе провалиш
Не знаеш каде ќе влезеш, немаш везе,
Животот ти виси цело време на конец кој друг го плете
Не можеш да бидеш дете, брзаш да пораснеш
Мислејќи животот тогаш е полесен, но не не не
Не знаеш ли како е да бидеш против сите
Девојка што ќе ја сакаш, но те напушта дека си стритер
А улиците се ладни за нив, топли ти се само тебе
Сам се браниш, има падни, нема стани, цело време тонеш
Том од дното доле, бираш тогаш што баш е ризикот што коле
Те боде, додека спиеш имаш ноќни мори
Не знаеш како е да си несреќен и колку тоа боли
Додека не знаеш за сето ова...
Па јас знам толку луѓе што ги живеат сите овие гомна
Потпаѓам под иста сорта, во иста школа
Правам музика за луѓето што знаат што е тоа солза
Ноќва е долга, но за нас само моментот
Бутел 1 па до Влае тој што знае репрезент

Знам кој е бандит, знам за модус операнти
Знам за живот падни-стани, деца останати сами
Зараснати рани, фрлени во отпадните канти
Таленти, таму доле барај ги

Знам кој е бандит, знам за модус операнти
Знам за живот падни-стани, деца останати сами
Зараснати рани, фрлени во отпадните канти
Таленти, таму доле барај ги

GREEN OUT 4EVER
R.N.S. LD Pistolero

Текст од кУкла.

----------------------------------------------------------------------------------------------

Луда-забава-мк ви дава задача...

2008-08-10T07:04:00.000-07:00

-Оваа луда македонска страница,ќе биде толку забавна и интересна ако и вие се цклучите во нејзината работа.На маилот luda.zabava@yahoo.com испрќајте ни текстови какви што сакате...пр.за вашето лето луддоо и незаборавно,за училиште УПС грешка xaxa....за музика,за култура едноставно СЕ И СЕШТО.Ги очекуваме вашите текстови и бидете сигурни дека ќе ги објавиме.Позздрав и ве очекуваме..На крајот од месец Август од вашите наслови што ќе ни ги пратите на оваа страна преку пат на анкета ќе бираме НАЈ НАСЛОВ на месецот...Ве очекуваме со вашите техтови.......

Кој рече дека во Прилеп нема кино?.

2008-08-10T04:01:00.000-07:00

-На сликата Весна и Борче-главни улоги во "СЕНКИ" на Милчо Манчевски.

-Во рамките на манифестацијата Прилепско културно лето од неодамна се вклучи и ЛЕТНО КИНО кое се одржува на Паркот на револуцијата МОГИЛА-Прилеп на летната сцена во паркот.Досега беа прикажани филмовите:Црно семе и Тетовирање на Столе Попов.
-ВЕЧЕРВА 10 август 21:30 часот на истото место ќе се прикажува филмот "СЕНКИ" на Милчо Манчевски.Филмот е одличен,се што треба да направите е да отидете вечер на паркот и да го гледате филмот на отворено.

П.С:"Влезот е бесплатен"

Итар Пејо конечно во ПРИЛЕП.

2008-08-10T03:58:00.000-07:00

-Ова е споменикот на Итар Пејо кој од 1 Август годинава ја краси Старата прилепска чаршија со чешмата со четири шепурки.Оставајте ваше мислење кај местото за коментари...

Знаете ли правилно да пиете кафе?.

2008-08-10T03:54:00.000-07:00

БОНТОН НА МАЛИТЕ ШОЛЈИ
-Како правилно се пие кафе За пиењето и за служењето кафе постои посебен бонтон кој треба да се почитува за пиењето на овој напиток да му пружи поголемо задоволство на консументот. Кога имате гости, се советува со кафе да ги послужите во дневната соба, а не во трпезаријата. Сервисот за пиење кафе треба да го извадите од послужавникот и, откако ќе ги прашате гостите какво кафе пијат, да го турите пијалакот во шолјите. Потоа ставете шеќер на маса, а ако гостинот сака, додајте му во кафето. Керамичките шолји за кафе се добри, но подобро е да го служите во порцелански. Исто така, бонтонот налага однапред загреани шолји, наполнети две третини од волуменот на шолјата. Најдобро е да користите помали лажички од оние за чај, а шолјата принесете ја кон устата со десната рака, држејќи го тацничето со левата. Кога го служите само семејството, кафето можете директно да го турите од ѓезвето. Во други пригоди користете ибрик за кафе, кој може да биде керамички или порцелански, во комплет со шолјите. Ибрикот треба претходно да го загреете со жешка вода, за кафето да не се олади пред сервирањето. Гостите со кафето треба да ги понудите и различни видови на шеќер, бел или кафеав, послужени во посебен сад. Многумина пијат кафе со млеко, па според тоа неопходна ви е шолја со млеко. Со кафето можете да послужите и различни видови на колачиња и кекси кои зависат од периодот во денот. Наутро е природно да послужите кроасан или кекси, после ручекот или вечерата можете да одберете меѓу чоколадни кекси или ситни колачи. Се разбира гостите со нов ќе ги послужите и со салфетки.

-Најчести грешки при пиење на кафе:
*Ставање шеќер во шолјата пред кафето
Мешање со лажичка толку гласно што ви ѕвонат ушите
Оставање на лажичката во шолјата
Подигнување на малиот прст за време на пиењето
Ставање на лажичката со која сте го мешале кафето в уста.

И миленичиња на пансион во хотел

2008-08-10T03:22:00.000-07:00

МАКЕДОНИЈА БРЗО ПРИФАЌА ТРЕНДОВИ
-Граѓаните кои имаат миленичиња, а сакаат да одат на одмор и се плашат за нивната безбедност, можат безгрижно да ги остават во неколку хотели низ државава кои нудат такви услуги. Тие нудат различни аранжмани и поволности, а сместувањето може да биде во посебни соби или заедно со сопствениците ако се одлучат за одмор во Охрид. Сепак, хотелиерите имаат и некои услови кои мора да се прифатат за да може сето тоа да се реализира. Тие треба да потпишат согласност дека миленичињата нема да бидат премногу големи и дека нема да им пречат на останатите гости во хотелот. За престојот на миленичињата во хотели сопствениците треба да одвојат 1.000 денари, па и повеќе, за еден ден. Во хотелот „Александар палас“ во Скопје, на секој кат има мали простории, таканаречени трокадери, во кои може да се чуваат кучиња и мачки. Просториите не се споени со хотелските соби, па сопствениците сами ги посетуваат и ги хранат. - Можам да се сетам само на два случаи кога сме примиле гости заедно со нивните миленичиња. Во едниот случај тоа беше мачка, а во друг стануваше збор за пудлица. И двете животни беа уредно сместени во корпи и не правеа проблеми, туку напротив беа доста мирни - изјавија од „Александар палас“. Во хотелот „Гранит“ во Охрид потврдија дека домашни миленичиња примаат само ако нивниот сопственик е постојан гостин. Но притоа бараат и одредени гаранции за животното. - Ако гостинот само инсистира, можеме да му дозволиме да го донесе со себе миленичето. Но бараме да ни испратат слика од кучето за да видиме дали е мало и самиот газда да гарантира дека е мирно и дека не прави проблеми - велат од „Гранит“. Во соседните земји ваквата практика е веќе добро разработена. Во повеќе хрватски хотели престојот на домашните миленичиња е редовна услуга за која постои ценовник од 20 евра за ден. Други хотелиери се рекламираат дека кај нив воопшто не се наплаќа сместувањето на кучето или мачето. Со тоа ја користат оваа можност која не ја даваат сите, за да привлечат повеќе клиенти. За разлика од нив домашните хотелиери се поскептични и во примањето животни кои се чувани дома и не гледаат можност за екстра заработка. Според нив не е исплатливо да се чуваат ваквите „гости“, затоа што поголема е опасноста од тоа да им се оштети инвентарот или да ги загубат другите посетители. - Кај нас повеќе се гледа од аспект на штетата која може да се направи и фактот што може да ги изгубиме другите гости. Имаше еден случај кога примивме посетител со неговото милениче, па потоа останатите клиенти се пожалија на миризбата и лаењето. Во овој хотел кој е скоро реновиран не размислуваме да примаме животни затоа што не ни е исплатливо - велат од еден охридски хотел. И во другите попознати хотели низ земјава не е дозволен престојот на кучиња и мачки. Таков е случајот и со скопскиот „Холидеј ин“, како и најголемиот дел од хотелите по охридското крајбрежје.

Лане гарантирано ќе се жени - прашање е со која?

2008-08-10T03:21:00.000-07:00

-Гласините за љубовно-деловната соработка помеѓу Жељко Јоксимовиќ и Јована Јанковиќ се уште не стивнуваат.
Иако водителката на српската телевизија, која неодамна ја раскина свршувачката со своето момче и поп-пејачот, кој е во долгогодишна врска - папараците ги фатиле на зеднички одмор во Будва, тие сепак тврдат дека помеѓу нив постои само пријателство, и ништо повеќе.
Извор близок на двојката потврдил дека биле заедно во Будва, не сами туку со поголемо друштво. - Иако папараците ги сликале заедно на терасата од хотелот Жељко и Јована се само добри пријатели. Жељко не само што не раскинал со својата девојка, туку дури и размислува да се жени на есен - заклучува изворот.

Пазарот се освојува со добри песни

2008-08-10T03:15:00.000-07:00

-Потребни се агресивна маркетиншка кампања и способни менаџери за да се освојат нови музички пазари - велат познати музички новинари од земјите на поранешна Југославија

Македонските пејачи својот пробив на музичката сцена во земјите на поранешна Југославија најчесто се обидуваат да го направат со учество на тамошните фестивали. Досегашното искуство покажа дека за нив најпримамливи се музичките манифестации што се одржуваат на Црногорското Приморје - „Пјесма Медитерана“ во Будва и „Сунчане скале“ во Херцег Нови. Настапот на пејачите, особено на тие што се помалку афирмирани, на овие фестивали е значаен само ако имаат добра песна, од причина што тие се пренесуваат во повеќе балкански земји. Освен забавниот карактер, тие имаат и значајно влијание врз формирањето и изградувањето на „вкусот“ на консументите на музиката. Во тој контекст, од македонските пејачи во Црна Гора популарни се Каролина Гочева, Мартин Вучиќ, „Леб и сол“, Калиопи и Тијана Дапчевиќ. Морам да напоменам дека најголема ѕвезда на овие простори е Тоше Проески, чии песни и сега се емитуваат и публиката ги бара - вели Дражен Бауковиќ, музички уредник во националната црногорска телевизија.И покрај одличниот настап на нашите изведувачи и квалитетните композиции, никој од нив не се искачил на тронот, што според правилата на фестивалот би им донел и висока финансиска награда. Предуслов за настап на овие фестивали не е само добра композиција, туку и фактот дали тој изведувач во дадениот момент е актуелен и популарен. Поголем број фестивали, кога се во прашање изведувачите, го градат својот имиџ на звучни пејачки имиња, без разлика каква е песната. Сепак, кога фестивалот ќе помине остануваат само добрите песни. А тоа е најважно и за вашите изведувачи - појаснува Бауковиќ.

Хрватскиот радиски фестивал - отскочна штица

Шанси за пробив на хрватскиот пазар за македонските пејачи има, но за да се успее потребна е добра и паметна реклама, но и менаџерски тим, вели Тања Шимундиќ Бендиќ од весникот „Слободна Далмација“. Според неа, покрај Хрватскиот радиски фестивал, кој секоја година им дава голема шанса на пејачите од другите земји, постои и Сплитскиот фестивал, кој може да биде отскочна штица за создавање кариера во Хрватска.

- Во Хрватска статусот на одличен македонски музичар и сега го има Влатко Стефановски. Калиопи се обиде да оствари пробив пред неколку години, но сметам дека не ги постигна резултатите што ги посакуваше. Иако хрватските музичари ја знаат како пејачка со одличен глас, досега нејзините настапи не беа проследени со голема реклама. Верувам дека нејзините вистински резултати доаѓаат наскоро, со промоцијата на албумот „Желим ти реќи“. Се разбира, ако има доста агресивна реклама. Единствено Тоше покажа како убавата песна нема граници и во нашата земја го достигна статусот на култ. Тој остави голема празнина на хрватската сцена која во овој миг, ни во мислите, не може ниту еден македонски пејач барем малку да ја потполни. Во секој случај, не се сомневам дека доаѓањето на некој македонски пејач кај нас, ако има дел од она што тој го имаше, хрватската публика ќе го прифати со две раце.Според неа, Каролина Гочева со своите предиспозиции, како физички така и вокални, би имала големи шанси за пробив на хрватскиот пазар.

Србите ја сакаат македонската музика

Симонида Станковиќ од белградскиот дневен весник „Блиц“ и автор на бестселерот „Грабливка“ нагласува дека од македонските пејачи во Србија најпознати се Каролина Гочева, Тамара Тодеска, Елена Ристеска, Мартин Вучиќ и, се разбира, Калиопи, а нејзината тема „Бато“ ја нарекува севременски хит и евергрин. Србите и Македонците се близок народ, со сличен музички вкус и верувам дека секој што квалитетно пее и има добри песни отпеани на српски јазик, може да успее во Србија. Најдобар пример за тоа е покојниот Тоше Проески, кого го сака и оплакува цела поранешна Југославија. Постои само еден проблем: за да направите успешна кариера во Србија, мора да живеете во Белград, како Тијана Дапчевиќ. Тоа не се однесува само на македонските пејачи. Владо Ѓеоргиев, Бојан Маровиќ и Сергеј Ќетковиќ од Црна Гора постигнаа успех дури кога дојдоа во Белград. Истото правило важи и за пејачите од Србија. Ни Жељко Јоксимовиќ не би бил тоа што е да не дојдеше од Валево во Белград, или Цеца од Житораѓа, а Марија Шерифовиќ од Крагуевац. Таа нагласува дека Србите ги сакаат Македонците и нашата музика, која не им е достапна. Тоа е одговорот и на прашањето зошто нашите пејачи не поминуваат во Србија.

Тоше го проби мразот во Босна

За Семина Муминовиќ од сараевскиот неделник „Аваз“, Проески на свој начин го пробил мразот меѓу Македонија и БиХ. Тој е првиот Македонец што стана ѕвезда во БиХ, која го прифати како свое дете. Овде многу се слушаат песните на Тијана Дапчевиќ, нешто помалку и на Каролина Гочева, Елена Ристеска и Мартин Вучиќ. Кај Босанците секогаш било важно песната да има севда во себе, а пејачот харизма што ќе го поврзе со публиката. Нашата публика од секогаш важела за најизбирлива и никогаш не трпела кога и' се „вовлекуваат“. Поради тој факт, најголемите музички ѕвезди во Босна се токму домашните изведувачи - вели таа. Муминовиќ открива дека интересот на медиумите за македонските пејачи не се разликува од тој за останатите што доаѓаат од другите поранешни републики. Медиумите се отворени за сите, а особено за македонските пејачи, за кои вели дека ги чувствуваат како свои.

2008-07-28T06:53:00.000-07:00

Страната луда забава продолжува од денес со нов БРАН...ЛетеН брааНнНнН...

2008-05-10T03:07:00.000-07:00

Продолжив да пеам заради мајка ми
Во моето Љубојно најубаво се спие. Кога сум тука, исклучувам телефони, возам велосипед низ селото, се качуваме на планина, одиме на плажа на Преспа. Баба ми Менка едвај чека да дојдам, таа ми прави најубави сарми и гравче. Пред да тргнам од Скопје, никогаш не и се најавувам. Ако направам така, ќе готви 2 дена...". Вака младиот поп-пејач Ламбе Алабакоски (21), ексклузивец на "М2 продукција" ја започнува приказната за селото во кое израснал, ги доживеал првите тинејџерски љубови, но и најголемата тага: загубата на мајка му Маријана, неговиот најдобар пријател, која почина пред две години.

Љубојно се наоѓа на 2 километра од Преспанското Езеро, на 920 метри надморска височина. Лани Интернет страницата "Маклинк" го прогласи за село на годината. Има околу 170 жители и осум православни цркви. Ламбе како добар домаќин, не чекаше сред село. Љубезно ги поздрави соседите, и со велосипедот ни го покажа патот до неговата куќа. Не пречека баба му Менка, со веќе сварено кафе и колачиња, и веднаш ни се пофали дека Ламбе е музикален на неа. Куќата на семејството Алабакоски е направена во 1932 година. Ја направил дедо Ламбро, по кого Ламбе го носи името.

- Роден сум во Битола. Во Битола завршив средно музичко училиште, но овде израснавме со брат ми Андреј. Кога ќе си дојдам дома, најубаво спијам. На оваа надморска височина ти се доволни само 3 часа за да се наспиеш. Кога сум тука уживам. Си муабетам со баба ми, се качуваме на Пелистер со братучед ми Филип, на лето одиме на плажа. Помагам и во бербата на јаболка наесен. Дедо ми Ламбро ми остави десет ниви и еден трактор. Од мал сум им помагал на моите во работата по нивите. Имаме уште една куќа од мајка ми. Во неа никој не живее, таму собирам друштво и си правиме забави. Печеме скара, свириме гитари... Кога ќе ми дојдат братучедите од Америка или гости од Скопје ги сместувам во таа куќа. Пред некоја година на гости ми беа Елена Ристеска, Дарко Димитров и Александра Пилева. Качувајќи се на Пелистер, Дарко си го шина зглобот. Од кога победив на изборот за таленти на "М2" животот ми се смени. Се преселив во Скопје, но во срцето ми остана моето Љубојно. Има една анегдота која сакам да ви ја раскажам. На аудицијата на "М2" се пријавив во Битола. Кога влегов во десетте финалисти, од Битола до Љубојно се вратив автостоп. Но, не задоцнив дома. Стасав тамам за бербата на јаболка. Во таа работа уживам", ни откри Ламбе. Соседите за него велат дека останал скромно и воспитано момче. Со сите знае муабет да направи, старите да ги праша дали им треба помош, а тие најмногу уживаат кога Ламбе ќе им запее на познатите "Илинденски средби", секоја година на 2 август.

- Ламбе е музикален на мене и на дедо му. Од мал сме го носеле на средбите каде што пееме преспански народни песни. Јас знам многу песни, а многу од нив и Ламбета го имам научено-, раскажува баба Менка. Бабата и внукот имаат пријателски однос. Таа вели дека ги знае сите негови тајни и не ги издава на татко му Лазар. На прашањето дали Ламбе носи девојки дома, таа одговара: "Го носи само тоа едното што си го сака, ама не кажувам кое е!". Ламбе ја бакнува за одговорот и и ветува дека специјално за неа ќе сними цеде со преспански народни песни. Баба Менка е голем обожавател на песните на Ламбе. Кога внукот не е тука, таа слуша негови цедеа и гледа негови спотови.
"Сите му се убави, вели таа. Многу ми се бендисува како ја испеа 'На Велигден'. Ама најмногу ја сакам 'Земјо моја'. Тој пее 'Земјо моја', но сака да каже 'Мајко моја'. Знам јас, песната е посветена на мајка му. Многу добра жена беше, со многу добра душа. Ламбе по табиетот и по душата е на неа. Кај нас дома син ми ја донесе на 16 години. Тогаш го роди брат му Андреј. Не знаеше да готви и да сука, ама за се ме прашуваше: Мајко, како да го направам ова, како она, и јас се ја научив".

Ламбе малку зборува за мајка му. Со солзи во очите само кусо ни рече: Така требало да биде... Подоцна ни раскажа дека мајка му најмногу го поддржувала во музичката кариера. Починала во мај 2006 година, вечерта кога Ламбе беше на Евровизија во Атина, како дел од екипата на Елена Ристеска. Поради неа тој продолжил да пее. Маријана многу се гордеела со својот помал син.

Братучед му на Ламбе, Филип, кој живее во Битола, вели дека Ламбе бил многу мирен како дете. Израснале заедно, но тој не може да се сети на ниту една негова поголема палавост. По разговорот со баба Менка, поп-пејачот не прошета низ куќата. Собата на Ламбе е на долниот кат, спроти собата на баба му. Таму му се наградите, мечињата што ги добил од обожавателите, неговата гитара, и електричната гитара од татко му која е стара 30 години. Татко му во младоста учел да свири на неа, сега ја наследил Ламбе. Кога е во својата соба, тој се обидува да компонира и да пишува текстови. Можно е некој од неговите текстови да се најде на третиот албум, кој ќе се подготвува во студиото на Дарко Димитров. На sидот на вториот кат од куќата, семејството на Ламбе има закачено негов голем постер, обвивката од првото цеде "Море од солзи".

Откако ја напуштивме куќата, Ламбе не прошета низ селото. Ги посетивме местата што најмногу му значат. Во дворот на црквата "Свети Јован", која е изградена во 1861 година е гробот на мајка му. Кога е во Љубојно, тој доаѓа секоја вечер за да ги запали кандилата.

Ја видовме и втората куќа "за журки". Откако ќе не испратат, братучедите си ветија дека ќе ја искосат тревата во дворот, и ќе почнат да ја подготвуваат за летната сезона. За време на прошетката, Ламбе ни откри дека една од куќите на сред село била јавна куќа за време на Втората светска војна. Низ тесните улички на Љубојно, секоја куќа си има своја приказна. Повеќето се на наши печалбари од Америка, но има и доста викендички на скопјани кои се по потекло од Љубојно. "Почувствувајте го воздухот, слушнете ја рекава", ни вели домаќинот. "Требаше денеска да одам во Скопје, ама се премислив. Не ми се напушта оваа убавина".

Патот не води кон омиленото место на Ламбе, игралиштето и старата караула на поранешната војска на ЈНА.

- На овие скали ми се случија првата љубов и првиот бакнеж. Бевме шесто одделение. Таа беше од Долно Дупени, дојдена тука на гости. Беше мојата прва девојка. Подоцна, со уште многу девојки се имам состанувано и бакнувано на овие скали. На игралиштето спроти се собираме и денес и играме фудбал.

На крајот од селото е новата воденица, последна наша станица од приказната за Љубојно. Ламбе и Филип често одат таму. Се пече лепче под вршник, скара, се пие домашно вино, се пеат преспански песни... За крај, сите се одмораат на ливадата и го слушаат жуборот на реката.

Како добар домаќин, Ламбе не покани да преспиеме во селото. За следниот пат ни вети дека ќе ни подготви риба на преспански начин, и ќе го пробаме домашното вино од неговата визба.

По опуштениот викенд, тој им се враќа на тековните обврски: студиите на "Евроколеџот" во Куманово и настапите за предизборната кампања на владејачката партија.

2008-05-08T02:06:00.000-07:00

Вечерва во 20:00 часот во Народен театар ВОЈДАН ЧЕРНОДРИНСКИ ПРИЛЕП ќе се одигра претставата ПЕСИЈАЗОЛ во режија на Брнко Ставрев.Во претставата играат прилепските актери и тоа:Марјан Чакмакоски,Трајче Иваноски,Димитар Вандески,Наташа Наумоска,Владимир Ѓорѓијоски,Милан Секулоски,Андон Јованоски,Најдо Тодески,Марија Спиркоска-Илијески,Александар Тодески,Виолета Чакарова,Петар Димоски,Бобан Алексоски, и др.Повелете вечерва во театар овој ЧЕТВРТОК 08.05.2008 ГОДИНА.Билетите се продаваат 2 часа пред почетокот на претставата.

2008-04-30T06:24:00.000-07:00

Очекуваме бодови од Албанија!

Предевровизиското гостување во Албанија нашите годинешни претставници велат дека поминало над сите очекувања. Во оваа соседна земја отпатуваа само Тамара и Адријан, кои освен на манифестацијата "Видео фест" се појавиле и во неколку тамошни ТВ-шоуа.

"Само неколку часа по премиерата на евровизискиот спот и средбата со тамошните медиуми спотот почна да се врти на телевизиите", открива Емин Гаџа, кој ја има улогата на менаџер на евровизискиот тим и кој вели дека во мај очекува добри бодови од Албанија на сметка на нашето евровизиско трио. "На сметка на Тамара, пак, стигнаа купишта комплименти за интерпретацијата на албанската верзија", додава Емин, кој патем ни откри дека освен оваа хит станала и англиската верзија на песната. Следна дестинација на "Во име на љубовта" е Хрватска, каде Тамара, Врчак и Адријан заминуваат кон крајот на неделава.

2008-04-30T06:21:00.000-07:00

И најмладите за манастирот на Тоше!
Учениците од Основното училиште "Димитар Попгеоргиев Беровски" се приклучија во акцијата за доизградба на манастирот на Тоше Проески - "Свето Преображение" во Крушево. Неодамна тие организираа хуманитарната етноизложба на која како специјални гости се појавија ексклузивците на продукцијата "План Б" Јован Јованов и Елвир Мекиќ. Децата презентираа народни носии, кои самите ги изработиле, и шарени велигденски јајца, а собраните средства од продажбата на влезниците, како и од понудените експонати ќе бидат наменети за изградба на манастирот на Тоше.

Јован и Елвир беа поканети на дружењето со цел да придонесат за масовноста на настанот, а на крајот нивната продукција доби благодарница за особен придонес во хуманитарната акција, која има тенденција да продолжи и во иднина.

2008-04-30T06:19:00.000-07:00

КАЛИОПИ И ВАСИЛ ЗАФИРЧЕВ:

Не се селиме од Македонија!
- Јас не се вратив во Македонија за да ја напуштам повторно. Со моето враќање сакав да охрабрам илјадници други Македонци кои се надвор од неа, да се вратат и да го дадат на својата земја најдоброто од себе, затоа што така можеме да изградиме силна држава, ако не за себе, барем за следните поколенија, вели поп-sвездата Калиопи откако скопски "Дневник" во саботниот празничен троброј ја објави веста дека Калиопи и нејзиниот сопруг, актерот Васил Зафирчев ја напуштаат Македонија заради нивните кариери. Со информацијава, како што ни изјави Калиопи, целата нација е доведена во заблуда. Точна е само информацијата дека Васил даде отказ во Драмски театар, од лични причини, а не заради нивното селење од Македонија.
- Од моето враќање во 1999 година се до 2007 година бев концентрирана исклучително на домашната сцена, градејќи ги цврсто своите бедеми во неа, обезбедувајќи и на својата земја трезор од стотици македонски песни, аудио и видео материјали, театарска, балетска и филмска музика, квалитетни проекти и пред се достоинствено презентирање надвор од нејзините граници со својата уметност, која во меѓувреме стана повеќе од естрада, вели Калиопи.
* Како ваша нова држава беше спомната Хрватска, заради честите ваши гостувања и концерти.
- Градењето на кариерата надвор од нашите граници, не значи и селење од својата држава!Барем тоа го потврдиле голем број на наши уметници, како на пр. Симеон Трпчевски, Борис Трајанов, Есма Реџепова Теодосиевска, Влатко Стефановски и др.
Сите тие се барем неколку пати во месецот надвор од нашите граници, но никој не ја напуштил Македонија како свое место за живеење! Десетте години поминати во Швајцарија беа и тоа како поучни за мене, најмногу пред се што одалеченоста ме научи повеќе да си ја почитувам и сакам својата земја. Човек кој е трудољубив и добар познавач на сопствената култура и потекло, може исто така да направи многу за својата земја и доколку дејствува надвор од неа. Морам да признаам дека лично многу ме погоди објавениот текст, пред се затоа што знам колку тешко го доживеа македонската публика моето заминување 1988 година и дека ваквата вест може двојно да ги погоди нивните чувства. Исто така знаев дека веста ќе направи тотална збрка во односите со моите партнери и соработници кои заеднички со мене се подготвуваат за следните долеми проекти! Затоа наместо најголемиот христијански празник да им го посветам на најблиските, го поминав одговарајќи поединечно на прашањата кои секојдневно пристигаа на нашите е-маил адреси, разубедувајќи ги луѓето дека јас и мојот сопруг не ја напуштаме Македонија заради нашите кариери!, вели Калиопи.
- Точна е информацијата дека дадов отказ во Драмски театар, и во МНТ и во велешкиот театар каде имам договор за претстави. Одлуката е од лични причини е не е заради наводната преселба во Хрватска заедно со Калиопи. Ќе играм претстави до крајот на мај, а од 1 јуни си давам шестмесечен одмор за да се преиспитам за мојата понатамошна професионална кариера во театарот. Не се откажувам од театарот, туку сакам на поинаков начин да се занимавам со театар, мислам дека сега е вистинско време за преиспитување што понатаму. Заминувам со Драмски во Сплит, ќе отпатувам и на големиот театарски фестивал во Киев, и театарскиот ангажман го завршувам со настап на фестивалот "Војдан Чернодрински" во Прилеп. До крајот на годината ќе ја следам Калиопи и на настапите во Сплит и во Загреб. Престанува и мојот ангажман во шоу емисијата "Вртелешка" во новиот циклус од септември годинава, ни изјави актерот Васил Зафирчев.

2008-04-30T06:15:00.000-07:00

Дуо „Моранди“ на 5 јули во Скопје

Популарното романско дуо „Моранди“ на 5 јули ќе одржи концерт во Скопје во летниот клуб „Хард-рок“. Организаторите на овој настан од „Авалон продукција“ најавуваат дека ќе настапат со бенд од седуммина членови и придружба на танчарки. Дуото кое го сочинуваат Мариус Мога и Андреас Тефас Ропсеја досега има издадено три албуми, а својата светска слава ја стекна со хитовите „Love me“, „Beijo“, „Ala Lujeba“, „Oh la la“, како и со последниот хит „Angels“, со кој котира на светските топ-листи.

2008-04-29T05:19:00.000-07:00

-ВИДЕО СПОТ ХИТ НА ДЕНОТ за денеска 29 АПРИЛ-Вторник ХИТ ВИДЕО СПОТ Е новиот музички спот на рок дивата ДАНИ со песната„НАЈДОБРА“-Проследете и уживајте со Дани!

2008-04-29T05:16:00.000-07:00

ЗА ВЕЛИГДЕН сите патишта водеа кон КРУШЕВО!

Автомобилска навалица на почивалиштето на Тоше За време на велигденските празници, Крушево беше преполно со посетители, кои веднаш по пристигнувањето се упатувале кон вечното почивалиште на идолот Тоше Проески. За разлика од другите викенди, кога луѓето главно одат организирано со автобуси, овојпат посетителите главно стигнувале со автомобили. Инаку, велигденското јајце со ликот на Тоше, кое се појави во прилепското село Ропотово кај семејството Видески, деновиве ќе им биде предадено на семејството Проески. А деветнаесетгодишната Милена Секуловска од Драчево, на маскенбалот за први април се фотографирала со својата другарка на скопскиот плоштад, а потоа во заднината на фотографијата го забележала ликот на Тоше. Прво сакала фотографијата да си ја зачува само за себе,но откако им ја покажала и на своите родители, и тие се согласиле дека на неа се гледа зрак кој асоцира на ликот на Тоше.

2008-04-29T05:12:00.000-07:00

ДАНИ НАЈАВУВА:

Следуваат постпразнични изненадувања

Кусата музичка пауза по издавањето на спотот за "Најдобра" снимен во куќата на духови во населбата Црниче, Дани најавува постпразнично изненадување. "Се работи за нов сингл со наслов "Не сме баш туѓи", кој ќе го најави долгоочекуваниот албум", вели Дани, појаснувајќи дека периодов во илегала го искористила малку да се одмори, но и да ги наполни батериите за она што ја очекува во блиска иднина.
Деновиве таа останува во кругот на семејството и освен петочниот настап во струшката дискотека "Оаза", најверојатно празниците ќе ги искористи уште малку да се одмори, но и за да се подготви за промоција на новата песна и најавениот албум.

2008-04-29T05:10:00.000-07:00

Ликот на Тоше на фотографија?!
Тоше Проески се појави и на фотографија. По вчерашното појавување на ликот на Тоше Проески на Велигнедско јајце, Милена не можела да се воздржи, а да не ја сподели сликата со сите. Милена Секуловска има 19 години и живее во Драчево. На маскенбалот за 1 април се сликала со својата другарка. Веднаш го забележала ликот на Тоше во позадината, но сакала сликата да си ја зачува само за себе, мислејќи дека е единствената која го забележала тоа. Но откако тоа им го покажала и на своите родители и тие го познале Тоше.
Милена тврди дека не се работи за фотомонтажа. Останува прашањето дали се работи за ефект, добиен со играта на светлината во позадина, создаден при сликањето на фотографијата на априлскиот маскембал?

2008-04-29T05:08:00.000-07:00

Ова се сликите од просториите во куќата на Тоше во ЗЛОКУЌАНИ,се е така оставено откако излезе од куќата за последен пат!

2008-04-29T05:06:00.000-07:00

2008-04-29T05:05:00.001-07:00

2008-04-29T04:57:00.001-07:00

2008-04-29T04:45:00.000-07:00

Фотографии од Злокуќани - куќата каде што живееше Тоше.
-Се е недопрено, исто како последната вечер кога Тоше замина. Екипата на хрватскиот портал 24, со согласност на семејството на Тоше први влегоа во неговиот дом во населбата Свети Јован во Злокуќани, ова е првата новинарска екипа која по смртта на Тоше влегува во неговата куќа.

Пет месеци откако почина Тоше Проески, неговата мајка Доминика, таткото Никола и сестрата Дора се уште не можат да соберат сили да зачекорат во домот на Тоше, во кој живееше две години.

Од 16 октомври 2007 година, времето во станот на Тоше застанало. На прозорите се платнените ролетни. Откако Тоше го нема во станот не влегла сончева светлина. Заради желбата на менаџерката на Тоше, Лилјана која има стан во близина на Тоше, светлото во неговата спална соба, по неговата смрт, со месеци не се гаси.

“Кога ќе погледнам од прозор кон станот, светлото во собата барем за момент ќе ме излаже дека тој е таму и се е како некогаш” – вели Лилјана.

Населбата во која има барем 30 елитни куќи е оградена со ѕид и 24 часа е под комплетен надзор. Во близината е езерото и базен каде што често пливаше и Тоше.

“Тука се одмараше, смееше и тагуваше, ги преживуваше младешките љубови. Никогаш не успеа до крај да го уреди станот” – раскажува скршено Лилјана.

-Погледнете ги сликите горе!

2008-04-29T04:35:00.000-07:00

МАСОВНА ЗАБАВА ЗА ОСНОВЦИТЕ И СРЕДНОШКОЛЦИТЕ

Интернет одмазда за професорите!
Професори и директори од две средни училишта во Скопје биле ставени на Интернет страници за дружење без нивно знаење. За да им се одмаздат за строгиот однос и слабите оцени, ученици ги наместиле професорите така што ги скенирале фотографиите од школскиот алманах, им ги напишале личните податоци и ги исмејувале "строгите" професори со погрдни зборови.
"Содржините беа крајно вулгарни", вели Маријана Марушиќ, директорка на Дирекцијата за заштита на лични податоци каде што биле пријавени случаите. "Не можам да ви ги кажам зборовите кои беа напишани, зашто навистина беа многу грозни. Креативните творци направиле злоупотреба на лични податоци на професорите, со што ја повредиле нивната личност, но и угледот на училиштето", објаснува Марушиќ.
На професорите им биле креирани лажни профили, односно лични веб страници каде што биле објавувани измислени вулгарни детали за нивниот приватен живот, за нивниот брачен статус и за нивните деца. Во делот на порталот предвиден за комуникација на регистрираните корисници, покрај фотографиите, на постарите професорки, на пример, им биле допишувани вулгарни сексуални фантазии. На сајтовите, исто така, била објавена лажна комуникација меѓу професорите, во која тие си изразувале љубов меѓу себе. Учениците, преку лажните профили на професорите, сами си ги откажувале тестовите и испрашувањата.
"Ваквиот вид нарушување на приватноста на професорите е масовна појава во основните и во средните училишта во Македонија. Последниот случај беше минатата недела. Иако за конкретниот случај стануваше збор за порталот њњњ.хи5.цом, регистриран во САД, и Дирекцијата нема надлежност да поведе постапка против овој контролор, ние како орган кој ја штити приватноста на сите граѓани на Република Македонија веднаш се обративме до тимот на порталот и лажните профили беа избришани во рок од неколку часа", вели директорката Марушиќ. Таа апелира до сите што ќе забележат неправилно објавување на личните податоци на некој од порталите за социјална интеракција, веднаш да ја известат Дирекцијата за заштита на личните податоци за да бидат тие неправилности што побрзо отстранети.
"Сепак, најважно е сите оние што го користат ваквиот тип веб страници и портали да внимаваат кога објавуваат свои, но и туѓи податоци на Интернет", предупредува Марушиќ. (Р.Ф.)

***

Размислете двапати пред да го кажете името на Интернет

-Размислете двапати дали ќе го користите вистинското име или ќе употребите псевдоним на Интернет порталите за дружење
-Размислете добро пред да ги објавите своите лични податоци, особено името и презимето, адресата и телефонскиот број
-Користете различни податоци за идентификација на Интернет, корисничките имиња и лозинките пожелно е да бидат различни на различни веб страници
-Информирајте се кој управува со сервисот кој го користите и под надлежност на која земја спаѓа? Дали во земјата постои орган за заштита на личните податоци до кој може да се обратите во случај на злоупотреба на вашите лични податоци

***

Внимавајте на децата

Внимавајте на тоа како вашите деца го користат Интернетот, особено кога станува збор за портали за дружење, вели Марушиќ. "На веб страницата њњњ.топ.цом.мк имаме еден куп фотографии на разголени млади кои како самите да се нудат. Има, на пример, младо девојче во костим за капење на плажа и самото тоа прашува што мислат другите за него. Коментарите кои следуваат се многу вулгарни", вели Марушиќ.

2008-04-29T04:34:00.000-07:00

Во Лондон почнува Фестивал на македонскиот филм
Од денес до 5 мај во Лондон ќе се одржи првиот Фестивал на македонски филмови. Во киното "Принц Чарлс" вечерва Фестивалот ќе го отвори филмот на Милчо Манчевски "Сенки". Пред лондонската публика филмот ќе го промовираат главните актери Борче Начев и Весна Станојевска.
Освен "Сенки", нашата кинематографија ќе биде претставена со уште четири играни и два документарни филма. Публиката ќе може да ги види "Џипси меџик" во режија на Столе Попов, "Големата вода" на Иво Трајков, "Балкан - кан" на Дарко Митревски, "Превртено" на Игор Иванов - Изи.
Документарната продукција ќе биде претставена со "Планетариум" на Киро Урдин и "До крајот на светот" на Марина Дојчиновска. За време на Фестивалот ќе има проекции на неколку документарни филмови на најстариот жив македонски кинематографер Благоја Дрнков. Фестивалот го организира групата "Круг", а го поддржува нашата амбасада во Лондон.

2008-04-29T04:30:00.000-07:00

ТАМАРА, ВРЧАК И АДРИЈАН ВО ИЗБОРНА КАМПАЊА

Гласајте за Македонија!
Од први и мај на сателитскиот канал на Македонската телевизија ќе почне изборната кампања на македонските преставници на изборот за песна на евовизијата. Ова значи дека со нашата евровизиска тројка ќе бидат снимени куси видео спотови, каде тие ќе се обраќаат на неколку јазици ќе побараат поддршка од евровизиските гласачи. Во Македонската телевизија велат дека со тројката заедно, но и со секој посебно ќе бидат снимени спотовите во кои Тамара, Врчак и Адријан ќе велат: "Гласајте за Македонија! Гласајте за број 18 на 22 мај!"
Освен ова информирани се сите македонски амбасади и друштва низ Европа да се приклучат кон лобирањето за што подобар пласман на Македонија на евроскиот избоир за песна на евровизија што ќе се одржи на 20, 22 и 24 мај во Белград, Србија.
Од МТВ велат дека во моментов се планира македонската вечер, која според плановите би требало да се одржи на 15 мај во европското кафуле во центарот на Белград. Како што е планирано на оваа македонска вечер не само што ќе се претстави македонската евровизиска песна туку и хитовите на Тамара, Врчак и Адријан од нивните соло кариери. Освен музиката целата вечер ќе биде во духот на македоснката традиција и максимално ќе се искористи за претставување на Макеоднсија. Ќе се служат тардиционални макеодснки јадења и вина, но и труистички ќе се презентира земјата, за што поддршка е добиена од повеќе министерства.
Евровизиската тројката вчера се врати од Албанија, каде во Тирана ја промовираше песната, а во недела заминуваат за Загреб, со практичо и завтршува нивното промотивно патување низ државите. Веќе од петти мај па натака се во Скопје каде ќе имаат интензивни кореографски проби.(A.Б)

2008-04-28T05:54:00.000-07:00

ХИТ СПОТ НА ДЕНОТ прекрасна балада на ITD-band Соња.Уживајте во хитот а за утрешен хит испратете ни на маил адресата.Уживајте во прекрасната балада.

2008-04-28T05:48:00.000-07:00

НОВО!НОВО! На оваа web страна од денес па натаму дневен хит ВИДЕО СПОТ,посетувајте ја нашата страна секојдневно и дознајте кој е хит ВИДЕО СПОТ на денот! можите да ни испраќате и ваши предлози за ХИТ ВИДЕО СПОТ на е-маил адресата luda.zabava@yahoo.com

СЕКОЈДНЕВНО НОВ ХИТ ВИДЕО СПОТ НА ДЕНОТ!

2008-04-28T04:47:00.000-07:00

Девојче фрлило околу илјада евра низ прозор
Едно тригодишно девојче од Кина, играјќи си во својот дом, ги фрлило низ прозор сите пари кои нејзините родители со месеци ги штеделе.

Девојчето фрлило пари во вредност од околу 1.000 евра низ прозорот на изнајмениот стан во кој живее со своите родители.

- Кога се разбудив мојата ќерка не беше до мене, а мојот паричник беше отворен и ставен на креветот. Парите исчезнаа, а јас насекаде ги барав. Подоцна видов неколку книжни пари на прозорецот и уште многу доле на улица, раскажа мајката на малото девојче.

Сопственикот на продавницата под нивниот стан изјави дека видел како парите „летаат“, како и случајни минувачи кои се обидувале да ги фатат.

2008-04-28T04:43:00.000-07:00

На суд поради дрес на Бекам

Двајца фанови на Дејвид Бекам на возраст од девет и десет години се тужат околу тоа на кого му припаѓа дресот кој популарниот Бекс го соблекол и го фрлил во публиката по меч на ЛА Галакси.

9-годишното момче тврди дека прв го фатил дресот и тогаш почнала расправијата со својот најдобар другар, кој пак тврди дека дресот му припаѓа нему. По тоа се вмешале и родителите на двете деца. Во саботата двете семејства решиле спорот да го решат на суд. По мечот на Галакси и Хонолулу Булс на Хаваи семејствата ангажирале адвокати и покренале парница едни против други. Таткото на деветгодишното момче, Вилфред Хо е убеден дека дресот му припаѓа на неговиот син.

“Нашиот главен факт е дека мојот син го имаше во посед дресот” – изјавил Хо.

Сепак, мајката на постарото момче Јошика Кер, која направила навивачки транспарент, изјавила дека самиот Бекам му рекол на неговиот син дека него му го подарува дресот.

Таа и нејзиниот сопруг Ерик изјавиле нивниот син дресот го добил бидејќи во текот на целиот меч го држел транспарентот.

“Господин Бекам нагласил дека сака дресот да му припадне на нашиот син.” – изјавил Ерик Кер.

И кој вели дека Американците не лудуваат за фудбал?

Најверојатно, целиот случај ќе стигне и до Бекам, кој џентлменски ќе им подари и многу повеќе дрес на двете семејства.

2008-04-27T08:03:00.000-07:00

-За подобро расположение за празникот на Исусовото воскресение проследете го видео спотот на Ламбе Алабаковски и песната-„На Велигден...“.Пријатно расположение.!.

2008-04-27T07:52:00.000-07:00

-ЧЕСТИТ ВЕЛИГДЕН НА СИТЕ ХРИСТИЈАНИ!!!
Бидете здрави и долговечни!!!

2008-04-26T07:33:00.000-07:00

Еве ја и англиската верзија на песната Во име на љубовта.Проследете ја!....

2008-04-26T07:18:00.000-07:00

Eве го макфестовскиот хит на Влатко Илиевски,проследете го!....

2008-04-26T07:14:00.000-07:00

Влатко во Кичево и во Куманово
Влатко Илиевски најавува одлична предвелигденска забава вечерва, во клубот "Сикстис" во Кичево. За Велики петок, утревечер, тој го избра ирскиот паб во Куманово за свирка.
Празничните настапи на популарниот рокер се организираат по успешните забави изминатава недела во Тетово, Штип, Велес, Радовиш... За две недели тој ја најавува промоцијата на новиот сингл, кој го работеше со Весна Малинова и со Дарко Тасев.

2008-04-26T07:05:00.001-07:00

МАЈА ВУКИЧЕВИЌ И ИЗЈАВИ ЈАВНО ЉУБОВ НА ВОДИТЕЛКАТА МЕЛИТА РАКИЧЕВИЌ
Доста ми е од мажи
Откако медиумите не ја оставија да се омажи, поп-пејачката Маја Вукичевиќ почна да се удвара на понежниот пол. Во емисија во живо и искажа на љубов на ТВ-водителката Мелита Ракичевиќ,со зборовите:
"Доста ми е од мажи. Тебе те сакам. Откако се омажи, до ден-денес ме мава депресија зашто не сум со тебе".
Шокирана од изјавата, Мелита во прв момент се збуни, но потоа се прибра и кратко кажа: "Ама, јас сум мажена".
Маја продолжи со додворувањето и и рече дека не е важно тоа, зашто, сепак, таа не е женета.
Изјавувањето на љубовта дојде откако во емисијата во која Маја гостуваше, на прашањето на Мелита дали во моментот има момче и зошто е сама, пејачката одговори дека ја сака токму неа и дека би биле совршена лезбиска двојка.
"Јас се воодушевувам на жени кои изгледаат добро и по триесеттата година. Мелита во периодов е многу разубавена и изгледа преубаво. Што има лошо во тоа што сум го изјавила? Па, ако може мажите да се воодушевуваат на убави жени, зошто не и јас?", ни изјави Маја по емисијата.
Мелита го сфатила додворувањето на Маја како голем комплимент.
"Морам да признаам дека Маја малку ме збуни со својата изјава и во првиот момент ја сфатив како шега. Но таа отиде понатаму. Во еден момент не знаев што да мислам и на крајот се снајдов и и одговорив дека сум мажена, а таа продолжи со коментарот: 'Па добро де, не си женета'".
На провокативната изјава на Маја најмногу реагирал сопругот на Мелита, Владимир, кој и се јавил на Маја и на шега и рекол каде да се најдат и да го решат тоа како вистински мажи.
"Немам ништо против хомосексуалните врски и го оправдувам тоа, но морам да ја разочарам Маја, мене не ме привлекуваат жени. Маја, според мене, секогаш е средена, убава и секој маж би ја посакал за себе. Што ќе и се жени за врска кога има толку убави мажи", ни изјави Мелита.
Маја Вукичевиќ неколку години беше во брак со Горан Грамашковски, со кого го има 14- годишниот син Горазд. Откако се разведе, медиумите ја врзуваа со многу познати личности од шоу-бизнисот и од политиката. Најновата афера во врска со поп-пејачката беше зимава, кога таа требаше да се мажи за богат италијански бизнисмен од Милано.
"Оставете ме да се омажам!", изјави Маја тогаш, обвинувајќи ги медиумите дека цело време и чепкаат во приватноста и дека намерно и ги расипуваат врските.
ТВ-водителката Мелита Ракичевиќ веќе 10 години е во брак со Владимир Ракичевиќ-Соме, со кого ја има 3,5-годишната ќеркичка Барбара.

2008-04-26T06:56:00.000-07:00

ЃОРЃИ во РОК ритам
Вчера Ѓорѓи Крстевски го пушти во етерот новиот сингл "Не се предавам". Песната е во брз ритам, со призвук на рок. И овој пат тој е автор на текстот, музиката и на аранжманот.
Синглот е снимен во студиото "Подрумот" и веќе се подготвува спотот за него. Сите обожаватели на Ѓорѓи бесплатно можат да ја симнат песната од неговата официјална веб-страница www.gorgikrstevski.com.mk . "Не се предавам" ќе биде дел од третиот албум на кантавторот, кој интензивно се подготвува во неговото домашно студио.

2008-04-26T06:40:00.000-07:00

ПЕСНА ЗА МАКЕДОНИЈА-Александра Пилева.

2008-04-26T06:36:00.000-07:00

ПРВ БРАЧЕН ВЕЛИГДЕН НА РОК-ПЕЈАЧКАТА АЛЕКСАНДРА ПИЛЕВА

Сефте вапцам јајца
Велигденските празници за мене секогаш имале големо значење, магијата која се чувствува во воздухот - од чинот на фарбање јајаца, па се до држењето свеќи пред црква, чукањето со јајца на полноќ и велигденската семејна трпеза.
Во семеен амбиент, со вапцани јајца во различни бои и богата трпеза-токму така ќе го минат овој Велигден, рок-пејачката Александра Пилева и нејзиниот сопруг Зоран Чадиев, селектор на македонската женска одбојкарска репрезентација. Речиси една година се во брак, а ова е прв заеднички, брачен, Велигден за неа и Зоран. Во нивниот дом, на улицата Рузвелтова, рок-пејачката, но и тазе домаќинка, ни покажа дека добро се снаоѓа во кујната. Со мала помош од нејзината свекрва Душанка, која и откри дека за јајцето да фати подобро боја, во течноста со фарба треба да се стави и оцет, Александра, доста спретно и со ќеф, само за Вест, сефте, вапцаше јајца. И додека со лажицата го бркаше јајцето по тенџерто, низ смеење вели:" Иако по правило, јајцата треба да се фарбаат само во црвена боја, јас сакав малку и шаренило на масата. А, како за прв пат сама вапцам јајца и добро ми испаѓаат".За да биде се во знакот на најголемиот Христијански празник, рок-пејачката си купила кошничка со слама, за да ги стави јајцата, пиленца за декорација и велигденско чаршавче."Велигденските празници за мене секогаш имале големо значење. Онаа магија која се чувствува во воздухот-почнувајќи од овој чин, фарбањето јајаца, па се до држењето свеќи пред црква и чекањето на Христовото воскресение, чукањето со јајца на полноќ и велигденската сејмена трпеза. Јас едвај чекав да дојде денот кога ќе почнам со подготовките околу Велигденските празници. А, мојот сопруг, секако дека се ми препушти мене", ни рече Пилева.За овој Велигден, Александра и Зоран, веќе се имаат испланирано. "Прво ќе отидеме во Охрид. Тоа е градот кој и двајцата го сакаме, градот каде летото се венчавме и каде ја направивме нашта мала свадба. На полноќ, кога ќе чукаат камбаните, ќе бидеме пред црквата "Св. Богородица Перивлепта", тоа е црковниот храм каде што се венчавме. И двајцата сакавме да бидеме пред таа црква, од каде го почнавме брачниот живот, да запалиме свеќа, и секако да ги измериме силите со традиционалниот чин на чукање со јајца. Попладнетот ќе дојдеме во Скопје, на неделниот велигденски ручек, а веќе во понеделник заминуваме за Неготино, кај моите родители", вели Пилева.За неделниот велигденски ручек, таа особено ќе се потруди. Во план е на трпезата да има печено јагне, традиционалното јадење за Велигден, но софрата ќе ја богатат и сарми од лозов лист, свежи салати , баклава, а сето тоа ќе го залеат со добро вино."Навистина ќе се ангажирам околу трпезата, најдобро што можам, а неколку дена веќе се трудам да најдам некој пригоден рецепт за торта, која планирам сама да ја направам и да ја послужам на Велигденската маса", вели Пилева.Таа ни раскажа дека Велигденските празници, секогаш ја потсетува на времето кога живеела во родното Неготино. Тогаш јајцата ги вапцала нејзината мајка. А за Велигден, Александра, баби и брат и оделе во црква, каде се причествувале и се протнувале под маса.Александра и Зоран летово ќе ја прослават првата годишница од брак. Таа и нејзиниот сопруг, тренер ЖОК "Форца Волеј", пред да стапат во брак подолго време беа во врска. Се венчаа во голема тајност, во Охрид, а свадбената веселба беше во ресторанот "Антика", во присуство на 20 блиски роднини и пријатели. Пилева за свадбата беше облечена во бело кусо фустанче, во рок фазон, а на веселбата се слушало рок музика. Ја запрашавме како брачниот живот? Вели: Прекрасно. Зоран ме подржува во она што го работам и јас него. Кога немаме обврски, се трудиме времето да го минеме што повеќе заедно. Често излегуваме, се едно дали во некое кафуле, ноќен клуб, или на интимна вечера. Зоран одлично се носи со мојата кариера, и секогаш е со мене на моите настапи. Пилева во моментов работи на својот нов албум, кој веќе е сниман, но е во фаза на продукција и треба да се промовира по празниците.

2008-04-26T06:19:00.000-07:00

Еве и видео спот од Калиопи со песната Едно име имаме-Македонија со настап на Златна буба мара на популарноста 2008.Проследете го!

2008-04-26T06:11:00.000-07:00

Актерот Васил Зафирчев деновиве го известил Драмски театар дека наскоро ќе си замине од земјава.Најверојатно тој и неговата сопруга, естрадната ѕвезда Калиопи, ќе се преселат во Загреб,каде што ќе имаат работни ангажмани. Директорот на Драмски Бранко Ѓорчев вели дека со Зафирчев се договориле во театарот да остане до меѓународниот фестивал „Војдан Чернодрински“, кој се одржува во почетокот на јуни, во Прилеп. Со оглед на тоа дека Зафирчев има значајни улоги во пет-шест претстави во својата матична куќа, го замоливме да остане барем до „Војдан Чернодрински“. Во театарот тој има значајни улоги во неколку претстави кои се на репертоар. Затоа ќе ни треба време да најдеме замена за улогите што ги игра - рече Ѓорчев. Зафирчев важи за извонредно талентиран актер од младата генерација. Матична куќа му е скопскиот Драмски театар, откако претходно работеше во велешкиот театар. Публиката го памети по улогите во „Македонски рулет“, „Супер нова“, „Елешник“, монодрамата „Пијанистот“ и многу други. Поп-дивата Калиопи е пејачка, текстописец и композитор, позната и надвор од нашите граници. Досега објави пет албуми. За хрватскиот пазар неодамна го објави албумот „Желим ти речи“.

2008-04-26T05:55:00.000-07:00

-Еве го спотот од песната која Македонија ќе ја претставува на ЕВРОВИЗИЈА во Србија,оваа верзија е ан македонски јазик.Проследете го спотот..__..:-)

„ВО ИМЕ НА ЉУБОВТА“-Врчак,Тамара и Адријан.....

2008-04-26T05:47:00.000-07:00

Денес е Велика сабота
Денеска е Велика сабота, ден кога Православната Црква го спомнува телесното погребение на Господ Исус Христос и Неговото слегување во адот.

"На Утрешната служба на Велика сабота, по Големото славословие, при пеењето на „Свети Боже“ свештенослужителите ја изнесуваат Плаштаницата од храмот, со учество на народот, и ја носат околу храмот во спомен на слегувањето на Господ Исус Христос во адот и победата Негова над адот и смртта.

Потоа, по внесувањето на Плаштаницата во храмот таа се внесува преку отворените Царски Двери во знак на тоа дека Спасителот неразделно пребива со Бог Отец и дека Тој со Своите страдања и смрт одново ни ги отвора вратите на рајот“.

Вечерва во православните цркви во сите градови низ Македонија ќе се одржува Велигденска полноќна богослужба. Централната богослужба ќе се одржи во архиепископскиот Соборен храм “Свети Климент Охридски“ во Скопје.

2008-04-26T05:43:00.000-07:00

Кокошка снесла јајце со ликот на Тоше
Јајце со ликот на Тоше снесла кокошка во средата вечерта, во кокошарникот на Горица Видеска,во селото Ропотово кај Прилеп. Семејството на Проески го побарало јајцето да биде експонат за спомен домот на Тоше во Крушево. Видеска возбудено раскажува дека прво видела оти јајцето има необична шара.

Се' додека не го ставив да го вапсувам, не беше јасно што е шарата. Кога видов дека не се вапсува, го извадив и го забележав јасно исцртаниот лик на Тоше. Не им верував на своите очи, па ги повикав домаќините. Сите го препознаа Тоше - вели Видеска. Семејството Видески за јајцето го изветило семејството на Проевски.- Дојдоа зетот и чичкото на Тоше и тие, зачудени, го препознаа ликот на Тоше на јајцето.

Го побараа да го стават во спомен-куќата што е во изградба, но ги замоливме да го остават за празниците, а после ќе им го дадеме - вели Видеска. Таа смета дека овој знак е благослов за нејзиниот дом за Велигден.

2008-04-26T05:41:00.001-07:00

СТАРТУВА НОВИОТ македонски веб портал со многу интересни теми од културата и од животот на познатите.